மாரடைப்பை ஏற்படுத்தும் டீசல் புகை -அதிர்ச்சி தகவல்

ஸ்காட்லாந்து நாட்டின் தலை நகரான எடின்பர்கில் அமைந்துள்ள எடின்பர்க் பல்கலை கழக ஆராய்ச்சியாளர்கள் உலக அளவில் அதிக மாசடைந்த நகரங்களில் சில ஆராய்சிகளை மேற்கொண்டனர் .

அதிக  அளவு நகரங்களில் காற்றின் மாசு பாடுக்கு காரணமாக இருப்பது டீசல் மூலம் உருவாகும் புகை எனக் கண்டறிந்துள்ளார்கள் அவர்கள் .

இந்த டீசல் புகையில் உள்ள நுண் துகள்கள் இதயத் திசுக்கள் மற்றும் இரத்த நாளங்களை எளிதாக சிதைக்கக் கூடியவை ,இதன் காரணமாக நரம்புகள்,தமனிகள் பாதிப்பு ,இரத்த உறைவு ,மாரடைப்பு மற்றும் பக்கவாதம் போன்றவை ஏற்பட வாய்ப்புள்ளதாகவும் தெரிவித்துள்ளனர் .

எனவே இதய நோய் உள்ளவர்கள் டீசல் வாகனங்கள் அதிகமாக நடமாடும் சாலைகளில் அதிக நேரம் செலவழிக்க கூடாது எனவும் மிகவும் பர பரப்பான சாலைகள் நிறைந்த பகுதிகளில் குடியிருக்க வேண்டாம் எனவும் பிரிட்டிஷ் ஹார்ட் ஃபவுண்டேஷனின் இணை இயக்குனர்  ஜெர்மி பியர்சன் கூறுகிறார் .

இவர்கள் தங்கள் ஆராய்ச்சியின் மூலம் டீசல் புகை மாசு எதன் மூலம் அதிகம் ஏற் படுகின்றன என்பதையும் கண்டறிந்துள்ளனர் .

• அதிக பாரத்தை சுமக்கும் டிராக்டர்கள் மற்றும் ட்ரைலர்கள்  
•  நீண்ட தூர லாரிகள் 
• குப்பை லாரிகள் 
• பேருந்துகள் 
• மின்சார ஜெனரேட்டர்கள் 
• போக்கலைன்கள் 
• கடல்வழி ஊர்திகள் 

மேற்கூறிய வாகனங்களுடன் இணைந்து பணியாற்றும் தொழிலாளர்களுக்கு மாரடைப்பு ,பக்கவாதம் உள்ளிட்ட நோய்கள் வர அதிக வாய்ப்பிருப்பதாகவும் ஆராய்ச்சியாளர்கள் கூறுகிறார்கள் .

டீசல் புகை மாசை குறைக்க வேண்டுமானால் பழுதடைந்த வாகனங்களை இயக்கக் கூடாது எனவும் ,காலாவதியான வாகனகளை அப்புறப் படுத்தவேண்டும் எனவும் பரிந்துரைக்கிறார்கள் .