உலகை குழப்பத்தில் ஆழ்த்தி வரும் வெளியுறவு அமைச்சர் ?

ஹினா ரப்பானி ,இந்த பெயரை அறியாத உலகத் தலைவர்கள் யாரும் இருக்க முடியாது .பாகிஸ்தானின் இளம் வெளியுறவு அமைச்சரான இவர் உலகின் பல்வேறு நாடுகளுக்கும் சென்று பல்வேறு (!)விதமாக தலைவர்களைக் கவர்ந்து வருகிறார் .

இன்று விஷயம் இவரைப் பற்றியது அல்ல .இந்த இளம் அமைச்சருக்கு நேர் எதிராக செயல் பட்டுக் கொண்டிருக்கும் இந்தியாவின் மூத்த வெளியுறவு அமைச்சர் கிருஷ்ணாவைப் பற்றியது .

சமீபத்தில் ஐ நா சபையில் சென்று இந்தியாவின் அறிக்கையை வாசிப்பதற்கு பதிலாக போர்ச்சுக்கல் அமைச்சரின் அறிக்கையை வாசித்து உலகையே வியப்பில்(?) ஆழ்த்தினார் .இப்போது இவர் காமெடி செய்திருப்பது இந்திய நாடாளு மன்றத்தில் .

இந்திய சிறையில் நீண்ட நாட்களாக அடை பட்டு முதுமையால் துன்பத்தை அனுபவித்து வரும் பாகிஸ்தானியர் ஒருவரை விடுதலை செய்வது தொடர்பான கேள்வி நாடாளு மன்றத்தில் நேற்று முன் தினம் எழுப்பப் பட்டது .

இதற்க்கு இந்திய வெளியுறவுத் துறை அமைச்சர் கிருஷ்ணா அளித்த பதில் இதுதான் ."பாகிஸ்தான் சிறையில் நீண்ட நாட்களாக அடை பட்டு கிடக்கும் அவரை விடுவிக்க பாகிஸ்தான் அரசு நடவடிக்கை எடுக்க வேண்டும் .இது தொடர்பாக தூதரக அளவில் பேச்சு வார்த்தை நடை பெற்று வருகிறது ."

இதை கேட்ட அனைவரும் வியப்பில் ஆழ்ந்தனர் .கூச்சலிட்ட உறுப்பினர்கள் இந்திய சிறையில் அடை பட்டுள்ள கைதியைப் பற்றி பேசினால் இவர் எந்த நாட்டில் உள்ள கைதியையோ பற்றி பேசுகிறார் என்று கிண்டல் செய்தனர் .

கம்யூனிஸ்ட் உறுப்பினர் பிருந்தா கரத் " அமைச்சர் யாரைப் பற்றியோ பேசுகிறார்" என்றார் .இதில் பிரதமர் தலையிட்டு பிரச்சினையை தீர்த்து வைத்தார் .

                                                     நான் சரியாத்தான் பேசுறனா?

வெளியுறவுத் துறை அமைச்சர் கிருஷ்ணாவுக்கு கூறப் படும் அறிவுரை என்னவென்றால் இனி அவர் பேசுகையில் அடிக்கடி "நான் சரியாத்தான் பேசுறனா" என்று அருகிலிருப்பவர்களிடம் கேட்கவேண்டும் .அப்படி செய்தால்தான் இனி பிரச்சினைகள் எழாது.