26 செப்டம்பர் 2012

IRCTC ல் விரைவாக தட்கல் டிக்கட் முன்பதிவு செய்ய

இணையத்தில் செய்யக்கூடிய மிகக் கடினமான வேலைகளில் ஒன்று   IRCTC ல் தட்கல் முறையில் பயணச் சீட்டு முன் பதிவு செய்வது . தட்கல் முன்பதிவு 10  மணிக்கு ஆரம்பமாகும். ஆனால் எவ்வளவு வேகமான இணைய இணைப்பை கொண்டிருந்தாலும் IRCTC  தளத்திற்குள் நுழைவது சவாலாகவே இருக்கும். தளத்திற்குள் நுழைந்தாலும் பயண சீட்டிற்கு தேவையான வேலைகளை செய்து முடிக்கும் முன்பாக பயண சீட்டுகள் காலியாகிவிடும். 

பின் வரும் முறைகளை பின்பற்றுவதன் மூலமாக 5  நிமிடத்திற்குள்ளாக தட்கல் முன்பதிவு செய்ய முடிகிறது. 


1) முன்பதிவு துவங்குவதற்கு 15 நிமிடங்களுக்கு முன்பாக அதாவது 9 .45  க்கு LOGIN செய்து IRCTC  தளத்திற்குள் நுழையவேண்டும். 

2) தளத்திற்குள் நுழைந்தபின் ஓய்வெடுத்துவிடாமல் தளத்தினுள் ஏதாவது தகவல்களை கிளிக் செய்து பார்த்துக் கொண்டிருக்கவேண்டும் . இல்லையெனில் தானாக LOGOUT  ஆகிவிடும்.   

3) முன்பதிவு தொடங்குவதற்கு சரியாக 2  நிமிடங்களுக்கு முன்பாக அதாவது  9 .58  க்கு புறப்படும் இடம் சேருமிடங்களை நிரப்பவும் . சம்மந்தப் பட்ட ரயில் நிலையங்களின் பெயரை உள்ளிடுவது கால தாமதத்திற்கு வழிவகுக்கும் . பதிலாக முன்னதாகவே நிலையங்களுக்கான குறியீடுகளை அறிந்து வைத்துக்கொண்டு அதை மட்டும் உள்ளீடு செய்யவேண்டும். (உ.தா.) NAGERCOIL JUNCTION- NCJ , CHENNAI EGMORE- MS 

4) இப்போது பயண சீட்டு இருப்பு விபரங்கள் தெரிய வரும் BOOK  கொடுப்பதற்கு முன்பாக 10  மணி ஆகிவிட்டதா என்பதை உறுதி செய்துகொள்ளுங்கள் . 

5) பணப் பரிமாற்றத்திற்கு NET  BANKING  ஐ விட CREDIT CARD , DEBIT CARD உபயோகிப்பது நேரத்தை மிச்சப் படுத்தும். 

குறிப்பு: எக்காரணம் கொண்டும் SERVICE  UNAVAILABLE  ERROR  வந்தால் தவிர REFRESH  செய்யக்கூடாது. அப்படி செய்தால் அது தளத்திலிருந்து உங்களை வெளியேற்றிவிடும். மீண்டும் தளத்திற்குள் நுழைவது குதிரைக் கொம்பாகிவிடும். 

நான் இந்த முறையைத்தான்  பயன்படுத்துகிறேன் . இதை விட  சிறந்த வழிகள்  ஏதாவது இருப்பின் கருத்துரையில்  தெரிவியுங்கள் .

8 கருத்துகள்:

கவிதை வீதி... // சௌந்தர் // சொன்னது…

நல்லது

FOOD NELLAI சொன்னது…

இத்துடன், மேஜிக் ஆட்டோஃபில் தளத்தைப்பயன்படுத்தி, அனைத்து பயணிகள் பெயர், வயது,இனம், படுக்கை போன்ற விபரங்களை ஒரு கிளிக்கில் IRCTC தளத்திற்குக் கொண்டு வர இயலும்.
"http://ctrlq.org/irctc" லிங்கில் சென்று பயன்படுத்திப்பாருங்கள். நேரம் நிறையவே மிச்சப்படும். ந்னறி.

koodal bala சொன்னது…

@FOOD NELLAI தகவலுக்கு நன்றி ஆஃபீசர்

வரலாற்று சுவடுகள் சொன்னது…

இதுகுறித்து நண்பர் கார்த்திக் இந்த பதிவில் விரிவாக எழுதியிருக்கிறார்! நேரமிருக்கும் போது படித்துப்பாருங்கள்!

http://www.bladepedia.com/2012/07/irctc-ticket-booking-tips-and-tricks-v2.html

koodal bala சொன்னது…

@வரலாற்று சுவடுகள் தகவலுக்கு நன்றி!

ஆமினா சொன்னது…

நல்ல தகவல் பரிமாற்றம் சகோ :-)

நன்றி!

திண்டுக்கல் தனபாலன் சொன்னது…

நல்லதொரு தகவலும், நண்பர்களின் கருத்தும் மிகவும் பயனுள்ளவை..

மிக்க நன்றி...

குட்டன் சொன்னது…

பயனுள்ள பகிர்வு.
த.ம.8