23 டிசம்பர் 2012

டெல்லியும் தூத்துக்குடியும் இருப்பது ஒரே நாட்டில்தானே!


டெல்லியில் கல்லூரி மாணவி பாலியல் பலாத்காரம் செய்யப்பட்டார். தமிழ்நாட்டில் தூத்துக்குடி மாவட்டம் தாதன் குளத்தில் பள்ளிக்கூட மாணவி பாலியல் பலாத்காரத்திற்கு முயற்சிக்கப்பட்டு, கொலை செய்யப்பட்டார். டெல்லி சம்பவம் இந்தியாவின் மூலை முடுக்கெல்லாம் சென்றடைந்து விட்டது. ஆனால் தூத்துக்குடி சம்பவம் தமிழ்நாட்டில் கூட நிறைய பேருக்கு தெரியவில்லை. இதற்கு காரணம் ஊடகங்கள் என்று பலரால் குற்றசாட்டுக்கள் வாசிக்கப்படுகின்றன.


அநியாயங்களை பொது மக்களுக்கு தெரிவிக்க வேண்டியது ஜனநாயகத்தின் ஏழாவது தூண் என்று அழைக்கப்படும் ஊடகத் துறையே. இந்தியாவில் ஊடகங்களுக்கு சுதந்திரம் இருக்கிறதா என்றால் கேள்விக்குறியே ! ஊடக சுதந்திரம் என்பது மாநிலத்திற்கு மாநிலம் வேறு படுகிறது.


இந்திய தலைநகர் புதுடெல்லி யூனியன் பிரதேசத்தில் ஆட்சிக்கட்டிலில் இருப்பது காங்கிரஸ் கட்சி. காங்கிரஸ் கட்சி மீது பல்வேறு குற்றச்சாட்டுகள் இருந்த போதிலும், புதுடெல்லியில் ஊடகங்கள் மிரட்டப்படவில்லை என்பது கல்லூரி மாணவிக்கு நேர்ந்த துயரச்சம்பவத்திற்கு அடுத்து நடந்து வரும் நிகழ்வுகள் நிருபித்துள்ளது. ஆனால் தமிழகத்தில் கடந்த ஆட்சியாளர்களாக இருந்தாலும் சரி, பாசிசத்தின் மொத்த உருவமாக திகழ்கிற ஜெயலலிதாவின் ஆட்சிக் காலமாக இருந்தாலும் சரி ஊடகங்கள் மிகப்பெரிய அளவில் மிரட்டப்பட்டும், பல்வேறு வழக்குகளையும் சந்தித்து வந்துள்ளது. தூத்துக்குடி பள்ளி மாணவிக்கு நேர்ந்த அவமானகரமான செயல் தமிழ்நாட்டை விட்டு வெளியே செல்லாமல் இருந்தது, தமிழகத்தில் ஊடகங்கள் எந்த அளவிற்கு மிரட்டப்பட்டுள்ளது என்பதற்கு சாட்சியே.


ஜெயலலிதாவின் ஆட்சிகாலங்களில் ஊடக சுதந்திரம் அறவே இருந்ததில்லை. ஜெயலலிதாவின் 1991 - 96 ஆட்சிக்காலத்தில் தராசு பத்திரிக்கையும், அதன் நிறுவனரும் எதிர் கொண்ட சிரமங்கள் எத்தனை எத்தனை ! அதுமட்டும் அல்லாது துக்ளக், தினமலர், விகடன் குழுமம் என்று அனைத்து பத்திரிக்கைகளும் அரசியல்வாதி குண்டர்களின் தாக்குதலுக்கு உள்ளாகி உள்ளது. சமீபத்தில் நக்கீரன் அலுவலகத்தில் அதிமுக குண்டர்கள் நடத்திய தாக்குதலை நாம் அறிவோம். இன்னும் சொல்லப்போனால் குடும்பத் தகராறில் மதுரை தினகரன் அலுவலகம் தீ கொளுத்தப்பட்டும், மூன்று அப்பாவி ஊழியர்கள் படுகொலை செய்யப்பட்ட அவலமும் நடந்தது.


தமிழகத்தில் இணையதள செயற்பாட்டாளர்களுக்கு கூட பெரும் அச்சுறுத்தல் இருந்து வருகிறது. இதையே தோழர்கள் ராஜன், சரவணன், செந்தில்குமார் ஆகியோர் கைது செய்யப்பட்டு சிறையில் அடைக்கப்பட்டதும் நமக்கு எடுத்துக்காட்டுகின்றன.


நிலைமை இவ்வாறு இருக்க, அரசியலில் ஊழல் செய்து பருத்துவிட்ட அரசியல்வாதிகள் தங்கள் தரப்பு செய்திகளை (உண்மைக்கு புறம்பான) மக்களிடத்தில் கொண்டு செல்ல தமிழகத்தின் ஊடகத் துறையை வலுவாக ஆக்டோபஸ் கரங்கள் போல் கைப்பற்றி கொண்டார்கள். திமுக, அதிமுக, பாமக, காங்கிரஸ், தேமுதிக என ஏறக்குறைய அனைத்து அரசியல் கட்சிகளும் தங்களுக்கு என்று தொலைக்காட்சி சேனல்களை வைத்து இருக்கிறார்கள். இவர்கள் தான் இன்று தமிழகத்தின் ஊடக தர்மத்தை நிலைநாட்டுகிறார்கள். அதாவது கிளியை பிடித்து பூனையிடம் கொடுத்தது போன்று !!


ஆக தமிழகத்தில் சமூக அவலங்கள் நடைபெறுகிற போது மேற்குறிப்பிட்ட ஊடகங்கள், அச்செய்திகளுக்கு அதிக முக்கியத்துவம் கொடுப்பதில்லை. காரணம் இவர்கள் ஊடகத்துறையை கைப்பற்றி கொண்டது, சமூக நலன் கருதி அல்ல. தாங்கள் செய்கின்ற தவறுகளை மறைக்கவே ஊடகங்களை கைப்பற்றிக் கொண்டார்கள். எனவே தோழர்கள் நாம், டெல்லி மாணவிக்கு நடந்த அவலத்தை கண்டு கொண்ட ஊடகங்கள், தமிழ்நாட்டு பள்ளி சிறுமிக்கு நேர்ந்த அவலத்தை ஏன் கண்டுகொள்ள வில்லை என்று வருந்த வேண்டியது இல்லை.


மேற்குறிப்பிட்ட ஊடகங்களை, அதன் நிலைப்பாடுகளை, அதன் உண்மை முகங்களை, நாம் தான் மக்களிடம் கொண்டு சென்று தோலுரிக்க வேண்டும்.



- சா.வால்டேர் வில்லியம்ஸ்.

18 டிசம்பர் 2012

உங்கள் PENDRIVE ல் கோப்புகளை காண முடியவில்லையா ?

சில சமயங்களில் நாம் உபயோகிக்கும் PENDRIVE  மற்றும் மெமரி கார்டுகளில் இது போன்ற பிரச்சினை ஏற்படுவதுண்டு. கோப்புகள் எதுவும் அழிக்கப் பட்டிருக்காது ஆனால் DRIVE  ஐ திறந்தால்  எதுவுமே தெரியாது. அல்லது குறிப்பிட்ட சில கோப்புகள் தெரியாது. HIDDEN FILE ஆகவும் அவை இருக்காது . ஆனால் DRIVE  ஐ மவுசால் வலதுபுறம் கிளிக் செய்து PROPERTIES  கிளிக் செய்தால் இத்தனை GB இதில் உள்ளது என காண்பிக்கும். 



இது போன்ற பிரச்சினைகளிலிருந்து  கோப்புகளை மீட்டெடுக்க பல்வேறு மென்பொருட்கள் உள்ளன . எனினும் அவற்றால்கூட சில சமயங்களில் மீட்டெடுக்க முடியாமல் போகலாம். இப்பிரச்சினையை சரி செய்ய ஒரு எளிய வழி உள்ளது . 


முதலில் பிரசினைக்குள்ளான  DRIVE  ஐ மவுசால் RIGHT கிளிக் செய்து படத்தில் காண்பிக்கப் பட்டுள்ளவாறு Add to archive என்பதை தேர்ந்துடுக்கவும் .

இப்போது கீழ் கண்டவாறு ஒரு window  தோன்றும் . அதில் Browse என்பதை கிளிக் செய்தால் மீட்கப் படும் கோப்புகளை சேமிக்கும் இடத்தை தேர்வு செய்யலாம். இனி OK  பட்டனை அழுத்தவேண்டியதுதான் . 


இப்போது காணாமல் போன கோப்புகள் அனைத்தும் ஒரு ZIP  FILE  ஆக கணினியில் சேமிக்கப்படும் . அதிலிருந்து உங்கள் கோப்புகளை மீட்டெடுக்கலாம்.

07 டிசம்பர் 2012

BSNL நீங்கள் விரும்பும் மொபைல் எண்ணை பெற ...

அனேக சமயங்களில் நாம் புதிதாக சிம்கார்டு வாங்கும்போது நாம் நினைப்பதுபோல் எண்கள் கிடைப்பதில்லை .மேலும் பலர் ஒன்றுக்கும் மேற்பட்ட சிம்கார்டுகளைப் பயன்படுத்துவதுண்டு. புதிய சிம்கார்டின் எண்ணானது  ஏற்கெனவே இருக்கும் சிம்கார்டின் எண்ணை சற்று ஒத்திருந்தால் நன்றாக இருக்கும் என நினைக்கலாம் . 


இதற்கு வசதியாக நமது மொபைல் நம்பரை நாமே ஆன்லைன் மூலமாக தேர்வு செய்யும் வசதியை BSNL வழங்குகிறது. இந்த லிங்க்கில் சென்று உங்கள் மாநிலத்தை தேர்வு செய்யுங்கள் . உங்கள் மாநிலதிற்குரிய தளம் திறந்ததும் படத்தில் குறிப்பிட்டுள்ள இடத்தில டிராக் செய்து தளத்தை அன்லாக் செய்துகொள்ளுங்கள் . 


இப்போது உங்களுக்கு சில மொபைல் எண்கள்  காட்டப்படலாம் .அவற்றில் ஏதாவது பிடித்திருப்பின் அதை டிக் செய்து RESERVE NUMBER என்பதை கிளிக் செய்யுங்கள் .அடுத்து வரும் கட்டளைகளை பின்பற்றுவதன் மூலம் உங்களுக்கு ஒரு பின் நம்பர் கிடைக்கும் .

அந்த எண்ணை பத்திரமாக குறித்து வைத்துக்கொண்டு 48 மணி நேரத்திற்குள்ளாக உங்களுக்கு அருகாமையில் உள்ள BSNL  அலுவலகத்திற்கு சென்று சிம் கார்டை பெற்றுக்கொள்ளலாம். 

நீங்கள் விரும்பும் எண்ணை தேர்வு செய்ய தளத்தில் இருக்கும் SEARCH வழிமுறையை பின்பற்றலாம் . 

FANCY எண்கள் தேவைப்பட்டால் அதற்குரிய கட்டணம் செலுத்தி பெற்றுக்கொள்ளலாம்.

27 செப்டம்பர் 2012

பிறந்த நாள் வாழ்த்துகள் கூகுள்!



கடவுளுக்கு அடுத்தபடியாக காசில்லாமல் உதவி செய்வது கூகுள் ஆண்டவர் என பெருமையுடன் அழைக்கப்படும்  கூகுள் . இன்று தனது 14 -வது பிறந்த நாள் கொண்டாடும் கூகுளுக்கு எனது இதயம் கனிந்த பிறந்த நாள் வாழ்த்துகள்.

26 செப்டம்பர் 2012

IRCTC ல் விரைவாக தட்கல் டிக்கட் முன்பதிவு செய்ய

இணையத்தில் செய்யக்கூடிய மிகக் கடினமான வேலைகளில் ஒன்று   IRCTC ல் தட்கல் முறையில் பயணச் சீட்டு முன் பதிவு செய்வது . தட்கல் முன்பதிவு 10  மணிக்கு ஆரம்பமாகும். ஆனால் எவ்வளவு வேகமான இணைய இணைப்பை கொண்டிருந்தாலும் IRCTC  தளத்திற்குள் நுழைவது சவாலாகவே இருக்கும். தளத்திற்குள் நுழைந்தாலும் பயண சீட்டிற்கு தேவையான வேலைகளை செய்து முடிக்கும் முன்பாக பயண சீட்டுகள் காலியாகிவிடும். 

பின் வரும் முறைகளை பின்பற்றுவதன் மூலமாக 5  நிமிடத்திற்குள்ளாக தட்கல் முன்பதிவு செய்ய முடிகிறது. 


1) முன்பதிவு துவங்குவதற்கு 15 நிமிடங்களுக்கு முன்பாக அதாவது 9 .45  க்கு LOGIN செய்து IRCTC  தளத்திற்குள் நுழையவேண்டும். 

2) தளத்திற்குள் நுழைந்தபின் ஓய்வெடுத்துவிடாமல் தளத்தினுள் ஏதாவது தகவல்களை கிளிக் செய்து பார்த்துக் கொண்டிருக்கவேண்டும் . இல்லையெனில் தானாக LOGOUT  ஆகிவிடும்.   

3) முன்பதிவு தொடங்குவதற்கு சரியாக 2  நிமிடங்களுக்கு முன்பாக அதாவது  9 .58  க்கு புறப்படும் இடம் சேருமிடங்களை நிரப்பவும் . சம்மந்தப் பட்ட ரயில் நிலையங்களின் பெயரை உள்ளிடுவது கால தாமதத்திற்கு வழிவகுக்கும் . பதிலாக முன்னதாகவே நிலையங்களுக்கான குறியீடுகளை அறிந்து வைத்துக்கொண்டு அதை மட்டும் உள்ளீடு செய்யவேண்டும். (உ.தா.) NAGERCOIL JUNCTION- NCJ , CHENNAI EGMORE- MS 

4) இப்போது பயண சீட்டு இருப்பு விபரங்கள் தெரிய வரும் BOOK  கொடுப்பதற்கு முன்பாக 10  மணி ஆகிவிட்டதா என்பதை உறுதி செய்துகொள்ளுங்கள் . 

5) பணப் பரிமாற்றத்திற்கு NET  BANKING  ஐ விட CREDIT CARD , DEBIT CARD உபயோகிப்பது நேரத்தை மிச்சப் படுத்தும். 

குறிப்பு: எக்காரணம் கொண்டும் SERVICE  UNAVAILABLE  ERROR  வந்தால் தவிர REFRESH  செய்யக்கூடாது. அப்படி செய்தால் அது தளத்திலிருந்து உங்களை வெளியேற்றிவிடும். மீண்டும் தளத்திற்குள் நுழைவது குதிரைக் கொம்பாகிவிடும். 

நான் இந்த முறையைத்தான்  பயன்படுத்துகிறேன் . இதை விட  சிறந்த வழிகள்  ஏதாவது இருப்பின் கருத்துரையில்  தெரிவியுங்கள் .

24 செப்டம்பர் 2012

வாருங்கள் நண்பர்களே பசுமை உலகம் படைப்போம்.

 பல வருடங்களாகவே காடுகளை அழிப்பதால் மழை குறைந்துவிட்டது என்றும் , வீட்டுக்கொரு மரம் வளர்ப்போம் என்றும் வாயாரப் பேசி வருகின்றோம். ஆனால் பிரச்சினைக்கு தீர்வு காண பெரும்பாலானோர் முயற்சி செய்யாமலேயே இருக்கிறோம். நாம் ஒருவர் மட்டும் நினைத்தால் நாட்டை சோலைவனம் ஆக்கிவிட முடியுமா என்று எண்ணியே பலரும் சோர்ந்து போய் உட்கார்ந்துவிடுகிறோம். 


ஆனாலும்  ஆங்காங்கே சில பெரிய உள்ளங்கள் பசுமை உலகம் படைத்தது வருகின்றனர். அரசுப் பேருந்து நடத்துனராக இருக்கின்ற திரு யோகநாதன் அவர்கள் தனி மனிதராக 1  லட்சம் மரங்கள் நட்டு சாதனை படைத்திருக்கிறார். அவர் பற்றிய தகவல்களை ஏற்கெனவே ஒரு பதிவில் பகிர்ந்திருந்தேன். 

அழிந்து போன காடுகளை மீட்டிடும் நோக்கிலும் மறைந்து போன மழையை வரவழைக்கும் நோக்கத்திலும் பசுமை விடியல் என்ற ஒரு அமைப்பு உருவாக்கப் பட்டு அமைப்பின் மூலம் பல்வேறு பகுதிகளிலும் மரங்கள் நடப் பட்டு வருகின்றன. திருமண விழாக்கள் போன்ற விழாக்களிலும் மக்களுக்கு இலவசமாக மரக்கன்றுகளை வழங்கி மரம் வளர்த்தலை ஊக்கப் படுத்தி வருகிறது இவ்வமைப்பு . 

இது போன்ற காரியங்களில் அக்கறையுள்ள ஒவ்வொருவரையும் பசுமை விடியல் அழைக்கிறது. நீங்கள் செய்யவேண்டியது மிகச் சிறிய விஷயம்தான் . சூழலுக்கு நன்மை விளைவிக்கும் ஏதேனும் ஒரு மரக் கன்றை வாங்கி அதை உங்கள் வீட்டிலோ அல்லது உங்களுக்கு மரம் வளர்க்க ஏதுவான பகுதியிலோ நட்டு அதை மரம் நடுபவரோடு சேர்த்து புகைப் படம் எடுத்து பசுமை விடியலுக்கு அனுப்புங்கள். 

இது உங்களுக்கும் சமுதாயத்திற்கும் நன்மை பயப்பது மட்டுமன்றி பசுமைக்கு வித்திடும் பசுமை விடியல் அமைப்பாளர்களுக்கு ஊக்கமளிப்பதாகவும் அமையும். 

உங்கள் புகைப் படங்களை விளக்கத்தோடு ( மரம் நடுபவரின் பெயர் மற்றும் முகவரி ) tree@pasumaividiyal.org என்ற முகவரிக்கு அனுப்பி வையுங்கள். 

உங்கள் படம் பசுமை விடியல் தளத்தில் பிரசுரிக்கப் படும்.  

பசுமை விடியலின் தளத்திற்கு செல்ல இங்கே சுட்டுங்கள். 

பசுமை விடியலின் முகநூல் பக்கத்திற்கு செல்ல இங்கே சுட்டுங்கள். 

இப்பதிவிற்கு நீங்கள் ஓட்டு போடாவிட்டாலும் பரவாயில்லை கமென்ட் போடாவிட்டாலும் பரவாயில்லை மரம் நட என்னால் இயலாது என்று மட்டும் சொல்லிவிடாதீர்கள். 

வாருங்கள் நண்பர்களே பசுமை உலகம் படைப்போம்.

17 செப்டம்பர் 2012

கூடங்குளத்தின் தற்போதைய நிலை - நேரடி தகவல்

ஒரு வருடத்திற்கும் மேலாக அமைதியான முறையில் நடைபெற்ற கூடங்குளம் அணுமின் நிலையத்திற்கு எதிரான போராட்டம் தமிழக அரசின் அடக்குமுறை காரணமாக கடந்த 10-9-2012 அன்று போர்க்களமாக மாறியது. கடற்கரையில் குழுமியிருந்து அணு உலைக்கு எதிராக முற்றுகைப் போராட்டம் நடத்தியவர்கள் மீது தடியடியும் கண்ணீர் புகை குண்டும் வீசி பொதுமக்களை கலைந்தோட செய்தனர். 


தொடர்ந்து இடிந்தகரை ஊருக்குள்ளும் போலீஸ் படை  புகுந்தது. அதே வேளையில் கூடங்குளம் பத்திரகாளி அம்மன் கோவில் அருகில் கூடங்குளத்தை சார்ந்த பொதுமக்கள் ஆயிரக் கணக்கானோர் ஒன்று கூடி மறியலில் ஈடுபட்டனர் . உடனே இடிந்தகரைக்குள் சென்ற போலீசார் அனைவரும் கூடங்குளத்திற்கு திரும்பினர். 

போலீசாருக்கும் பொதுமக்களுக்குமிடையே நடந்த சண்டையில் பொதுமக்கள் பலர் லத்தியாலும் , குண்டடிபட்டும் ரத்தக் காயமடைந்தனர். கண்ணீர் புகை குண்டுடன் ஆகாயத்தில்  சென்று வெடிக்கும் ஒரு வினோதமான குண்டும் போலீசாரால் உபயோகிக்கப் பட்டது. இந்த குண்டு பட்டதில் கூடங்குளம் கஸ்தூரி மருத்துவ மனை முகப்பு போர்டு சேதமடைந்தது. அடுத்ததாக 

11-9-2012 அன்றைய  தினத்தில்தான் கூடங்குளம் மக்கள் இது வரை காணாத ஒரு மோசமான தாக்குதலை எதிர்கொண்டனர். தனித்தனி குழுக்களாக வெவ்வேறு தெருக்களுக்கும் புகுந்த போலீஸ் படையினர் வழியில்  கண்டவர்கள் அனைவரையும் லத்தியால் தாக்கினர். சில குழந்தைகள், வயதுப்  பெண்களும் இத்தாக்குதலிலிருந்து தப்பவில்லை. 

நடுத்தர வயதுடைய ஆண்கள் பலர் கைது செய்யப் பட்டு திருச்சி மற்றும் வேலூர் உள்ளிட்ட நீண்ட தூரத்திலுள்ள சிறைகளில் அடைக்கப் பட்டனர். இதன் காரணமாக நடுத்தர வயதுடைய ஆண்கள் பலரும் ஊரை காலி செய்துவிட்டு பாதுகாப்பான இடங்களை நாடி சென்றுவிட்டனர். 

தொடர்ந்து 10  - வது நாளாக கூடங்குளத்தில் கடைகள் அனைத்தும் மூடப் பட்டுள்ளன. அரசுப் பேருந்துகள் இயக்கப் படவில்லை. தனியார் வாகன உரிமையாளர்களும் பயத்தின் காரணமாக வாகனங்களை இயக்கவில்லை. ஒருசில வயதான ஆண்களும், பெண்களும் மட்டுமே தெருக்களில் நடமாடுகின்றனர். 

144  தடை உத்தரவின் கீழ் பல மாதங்களாக சிக்கித் தவிக்கும் கூடங்குளம் தற்போது ஊரடங்கு உத்தரவு பிறப்பிக்கப் பட்ட இடம் போல் காட்சியளிக்கிறது.

09 செப்டம்பர் 2012

கூடங்குளம் அணு உலை அதிரடி முற்றுகை!

கூடங்குளம் அணு உலையை இன்று (09 -09 -2012 )முற்றுகையிடப் போவதாக கூடங்குளம் போராட்டக் குழு அறிவித்திருந்தது. 

எப்படியேனும் இதை தடுக்கவேண்டும் என்ற நோக்கில் சுமார் 5000 போலீசார் பாதுகாப்புப் பணியில் ஈடுபட்டிருந்தனர்.  

போராட்டக் குழுவினர் கூடியிருந்த இடிந்தகரையிலிருந்து கூடங்குளத்திற்கு வரும் அதனை சாலைகளையும் போலீசார் தங்கள் கட்டுப்பாட்டிற்குள் கொண்டு வந்தனர். கூடங்குளம் மார்க்கத்தில் செல்லும் அத்தனை அரசுப் பேருந்துகளும் நிறுத்தப் பட்டன. 


ஆனால் காவல் துறையினர் சற்றும் எதிர் பாரத வகையில் போராட்டக் காரர்கள் சுமார் 10000  பேர்   கடற்கரை வழியாக சென்று பகல் 12  மணியளவில் அணுமின் நிலையத்தை முற்றுகையிட்டனர். 

இதை சற்றும் எதிர்பார்க்காத காவல் துறையினரும் , கலெக்டர் உள்ளிட்டோரும் கால் நடையாக சென்று போராட்டக் குழுவினர் முற்றுகையிட்டுள்ள பகுதிக்கு சென்றனர் ( முற்றுகை பகுதிக்குள் எந்த வாகனமும் நுழைய முடியாது).  


போராட்டக் குழுவினருடன் நடைபெற்ற பேச்சு வார்த்தை தோல்வியடைந்தது. முற்றுகை நீடிக்கிறது.

07 செப்டம்பர் 2012

அணு உலையை முற்றுகையிட அழைப்பு.

கூடங்குளம் அணு மின் திட்டத்தைக் கைவிடக் கோரி கடந்த 1  ஆண்டாக இடைவிடாது அறவழிப் போராட்டங்கள் நடைபெற்று வருகின்றன . ஆனால் மத்திய, மாநில அரசுகள் போராட்டத்திற்கு சற்றும் மதிப்பளிக்காமல் அணு உலையை இயக்க தீவிரமாக முயன்று வருகின்றன. 

கூடங்குளத்திலிருந்து  7  கிலோமீட்டர் சுற்றளவுப் பகுதி தொடர்ந்து 6  மாதமாக 144  தடை உத்தரவின் கீழ் உள்ளது. இந்தியாவில் வேறெங்கிலும் இது போன்றதொரு மனித உரிமை மீறல் நடந்திருக்குமா என்பது தெரியவில்லை. 

இதன் காரணமாக போராட்டத்தை அதி தீவிரப் படுத்தும் விதமாக கூடங்குளம் அணு உலையை முற்றுகையிட ஒன்று சேருமாறு பல்வேறு இயக்கங்களுக்கும் ,மனித உரிமை ஆர்வலர்களுக்கும் அணுசக்திக்கு எதிரான மக்கள் இயக்கம் அழைப்பு விடுத்துள்ளது. 


நேற்று மாலை பல்வேறு ஊர்களிலிருந்தும் பொதுமக்கள் போராட்டத்திற்கு ஆதரவாக இடிந்தகரை வரத் தொடங்கினர் .அவர்களை போலீசார் இடிந்தகரை செல்ல விடாமல் தடுத்தனர். உடனடியாக இடிந்தகரையிலிருந்து சுமார் 5000  பேர் போலீசார் தடுத்த இடத்திற்கு வந்தனர். உடனே போலீசார் அங்கிருந்து கலைந்து சென்றுவிட்டனர். போலீசார் சாலையில் வைத்திருந்த தடுப்புகளை பொதுமகள் அகற்றினர் .

03 செப்டம்பர் 2012

பள்ளி குழந்தைகளுக்கு அரசுப் பேருந்துகளால் ஆபத்து!

      சமீப காலமாக பள்ளிக் குழந்தைகள் இறக்கும் சம்பவங்கள் அடிக்கடி நிகழ்ந்த வண்ணம் உள்ளன. இது போன்ற சம்பவங்கள் தொடர்ந்து நிகழாமல் தடுக்கவேண்டுமானால் தகுந்த முன்னெச்சரிக்கை நடவடிக்கைகள் அவசியம். 
      
     
    இரண்டு நாட்களுக்கு முன்பாக தொழில் நிமித்தம் நான் நாகர்கோவில் சென்றுவிட்டு வரும் வழியில் கன்னியாகுமரி அருகிலுள்ள அஞ்சுகிராமம் என்ற ஊரில் அமைந்துள்ள பேருந்து நிலையத்தில் பேருந்திற்காக காத்து நின்றேன். அப்போது மாலை சுமார் 5 மணியளவில்  ஒரு நகரப் பேருந்து, பேருந்து நிலையத்தினுள் நுழைந்தது. பேருந்து உள்ளே நுழையவும் சுமார் 30  மாணவர்கள் வேகமாக ஓடிச் சென்று கும்பலாக பேருந்தினுள் ஏற முற்பட்டனர். இத்தனைக்கும் அப்போது பேருந்து முழுமையாக நிறுத்தப் படவில்லை. பேருந்தில் ஏற முற்பட்ட மாணவர்களும் 5  ம் வகுப்பு முதல் 8 ம் வகுப்பு வரை பயில்பவர்கள் போல் தோற்றமளித்தனர். அவர்கள் முட்டி மோதிக்கொண்டு பேருந்தினுள் ஏற முற்பட்டபோது ஒரு கணம் எனது நெஞ்சு பட படவென அடித்துக்கொண்டது. நெரிசலில் ஏதாவது ஒரு மாணவன் தவறி வண்டி சக்கரத்தில் சிக்கினால் என்னவாகும். 

     எனவே பள்ளிப் பேருந்துகளில் செல்லும் மாணவர்கள் மீது கவனம் செலுத்துவது போல் இதர வாகனங்கள் மூலமாக பயணம் செய்யும்  மாணவர்களும் பாதுகாப்பாக பயணிக்க தகுந்த ஏற்பாடுகள் செய்யப்படவேண்டும். 

வந்தபின் வருந்துவதை விட வருமுன் காப்பது சிறந்ததல்லவா.

27 ஆகஸ்ட் 2012

ஏமாற்றம் தந்த சென்னை பதிவர் சந்திப்பு !

சென்னை பதிவர் சந்திப்பு செவ்வனே நடந்து முடிந்து அனைவரும் அதை உற்சாகமாகக் கொண்டாடிக் கொண்டிருக்கையில் எனக்கோ மிகுந்த ஏமாற்றமளிக்கும்  விதத்தில் அமைந்துவிட்டது.


பின்னே என்னங்க பதிவர் சந்திப்பில் கலந்துகிடுறதுக்காக 750 கிலோ மீட்டர் தூரம் வந்துட்டு மீதி 30  கிலோ மீட்டர் தூரத்தை கடக்க முடியாட்டா ஏமாற்றமா இருக்காதா ...
 
பதிவர் சந்திப்பிற்கு பல நாட்களுக்கு முன்னமே நண்பர் கவிதை வீதி சவுந்தர் அலை பேசி வாயிலாக எனக்கு அழைப்பு விடுத்தார் .நண்பர் தமிழ் வாசி பிரகாஷ் முகநூல் மூலமாக தொடர்பு கொண்டு அழைப்பு விடுத்தார். அவர் அழைத்ததற்கு இன்னொரு காரணமும் உள்ளது. 

நான் இருவரிடமும் விழாவிற்கு வருவதாக கூறியிருந்தேன் . நான் உடனடியாக சம்மதம் சொன்னதற்கு இன்னொரு காரணமும் உண்டு. நேற்றைய தினம்தான் எனது ஒன்று விட்ட சகோதரியின் வீட்டு புதுமனை புகுவிழாவும் சென்னையில் ஏற்பாடு செய்யப் பட்டிருந்தது. 

தங்கையின் குடும்பத்தார் நாகர்கோவிலில் இருந்து சென்னை வர ஏற்பாடு செய்திருந்த தனி பேருந்தில் நேற்று காலை சுமார் ஒன்பது மணியளவில் சென்னை வந்து சேர்ந்தேன். சகோதரியின் இல்ல விழா சுமார் 1 மணியளவில் நிறைவடைந்தது. 

அதன் பிறகு சகோதரி குடும்பத்தாரிடம் பதிவர் சந்திப்பிற்கு செல்லவேண்டும் எனக் கூறினேன் .அதன் பின்னர்தான் தெரிந்தது பதிவர் சந்திப்பு நடக்குமிடம் சகோதரி இல்லத்திலிருந்து வெகு தூரத்தில் என்பது. 

மேலும் மாலை 5  மணிக்கு ஊர் திரும்ப ரயில் டிக்கட் முன் பதிவு செய்திருந்தேன். எனவே இடைப் பட்ட நேரத்தில் பதிவர் சந்திப்பில் கலந்துகொள்ள இயலாது என தெரிய வந்தது . 

எனினும் இடைப் பட்ட நேரத்தில் திருவேற்காடு கருமாரியம்மன் கோயில் செல்லும் பாக்கியம் கிடைத்தது. 

பதிவர் சந்திப்பு இனிதே நிகழ்ந்ததற்கு மகிழ்ச்சியையும் அனைத்து  பதிவர்களுக்கும் வாழ்த்துகளையும் தெரிவித்துக்கொள்கிறேன் .

மீ வெயிடிங் பார் நெக்ஸ்ட் பிளாக்கர்ஸ் மீட்.

08 ஆகஸ்ட் 2012

முடிந்தால் இந்த மூஞ்சில உங்கள் கர்சரை வையுங்கள் !

கீழே கொடுக்கப்பட்டுள்ள லிங்கில்  முதலில் கிளிக் செய்யுங்கள் .இப்போது ஒரு வீடியோ திறக்கும்.இனிமேல்தான் காமெடி இருக்கிறது.உங்கள் மவுஸ்  கர்சரை சரியாக வீடியோவில் காணும் நபரின் முகத்தில் வையுங்கள்...அப்புறமாக வேடிக்கையைப் பாருங்கள்...



                                                           வீடியோ லிங்க்

04 ஆகஸ்ட் 2012

லயோலா கல்லூரியில் திரு ஞானி அவர்களின் சுவாரஸ்யமான உரை !-வீடியோ

லயோலா  கல்லூரியில் திரு ஞானி அவர்களின் சுவாரஸ்யமான உரை !-வீடியோ



21 ஆம் நூற்றாண்டின் சிரவணன் !

சிரவணனின் கதையை நாம் பலரும் அறிந்திருப்போம்.தாய், தந்தை பாசத்திற்கு இலக்கணமாக வாழ்ந்தவன் சிரவணன்.வயதான பார்வையற்ற தனது தாய் தந்தையரை தொட்டிலில் வைத்து தோளில் சுமந்தான் சிரவணன்.

ஆனால் இப்போது அதற்கு நேர் மாறாகத்தான் அனேக இடங்களில் நடக்கிறது.வயதான பெற்றோர்களை பலர் முதியோர் இல்லங்களில் சேர்த்துவிடுகின்றனர்.பல பெற்றோர்கள் பிள்ளைகளை வசதியாக வாழ வைத்துவிட்டு தங்கள் வாழ்கையை நரகமாக கழித்துக் கொண்டிருக்கின்றனர்.


ஆனால் இன்றும் தனது தாயை தோளில் சுமக்கும் ஒரு மகன் இருக்கிறான் என்றால் நம்ப முடிகிறதா.இவர் பெயர் பல்வீந்தர்சிங் . இவரது தாய்க்கு பார்வை போய்விட்டது.கடந்த இரண்டரை வருடங்களாக இவர் தனது தாயை தோளில்  சுமந்து பல்வேறு புனிதத் தலங்களுக்கு அழைத்து சென்று வருகிறார்.21 ஆம் நூற்றாண்டிலும் இப்படி ஒரு மனிதன் வாழ்வது அதிசயமாகத்தானே உள்ளது.

பெற்றோர்களை சுமக்காவிட்டாலும் பரவாயில்லை அவர்களுக்கு சுமை ஏற்படுத்தாமலாவது   நாம் வாழலாமே.

03 ஆகஸ்ட் 2012

ஏன் மழை பெய்யவில்லை?

இந்த கதையில வரும் சம்பவங்கள் அனைத்தும் கற்பனையே.

பரதாபுரி என்னும் ஒரு அழகான ஊர் இருந்தது.மழை வளமும்  செல்வச் செழிப்பும் நிறைந்திருந்த அந்த ஊரில் திடீரென கடும் பஞ்சம் ஏற்பட்டது.மக்களிடம் பணம் இருந்தது ...ஆனால் சாப்பிட உணவு கிடைக்கவில்லை,குடிக்க நீர் கிடைக்கவில்லை.


எனவே ஊர் தலைவர்  தலைமையில் ஊரின் எல்லையில் அமைந்திருந்த அவ்வூரின் காவல் தெய்வத்திடம் சென்று ஊர் மக்கள்  முறையிட்டனர்.

அப்போது ஒரு அசரீரி ஒலித்தது .மக்களே இந்த ஊரில் நல்லவர்களாக இருந்த அனைவரும் கெட்டுப் போய்விட்டீர்கள் .அனைவரும் ஏதாவது ஒரு வகையில் தவறான வழியில் சம்பாதித்து வருகிறீர்கள்.உங்களுக்கு ஒரே ஒரு நாள் அவகாசம் தருகிறேன்...இன்னும் 24  மணி நேரத்திற்குள் அனைவரும் தவறான வழியில் சேர்த்த பணத்தை இந்த கோவிலில் கொண்டு வந்து சேர்த்துவிட வேண்டும் . அவ்வாறு செய்யவில்லையெனில் மேலும் பஞ்சத்தை அதிகமாக்கி அனைவரையும் கொன்றுவிடுவேன் என எச்சரித்தது.

உடனடியாக மக்கள் அனைவரும் தங்கள் தங்கள் வீடுகளை நோக்கி ஓடினர்.தவறான வழியில் சேர்த்த பணத்தையெல்லாம் கோவிலில் கொண்டு வந்து சேர்த்தனர்.

24  மணி நேரம் கடந்தது...எனினும் மழை வருவதற்குரிய எந்த அறிகுறியும் தென்படவில்லை .எனவே மக்கள் மீண்டும் கடவுளிடம் முறையிட்டனர்.

அப்போது மீண்டும்  அசரீரி ஒலித்தது.என் மீது தவறு இல்லை ...இந்த ஊரிலுள்ள அனைவரும் தவறான வழியில் சம்பாதித்த பணத்தை கொண்டு வந்து சேர்க்கவில்லை என்றது அசரீரி.

உடனே மக்கள் கூட்டத்தில் சுற்றுமுற்றும் பார்த்தனர்...அங்கே ஒரு ஓரத்தில் நான்கைந்து பேர் வெறும் கையுடன் நின்றுகொண்டிருந்தனர்.உடனே ஊர் தலைவர் அவர்களிடம் சென்று நீங்களெல்லாம் தவறான வழியில் ஒரு காசுகூட சம்பாதிக்கவில்லையா வெறும் கையுடன் நிற்கிறீர்கள் என்று அதட்டினார் .

அதற்கு அவர்கள் மன்னிக்கவேண்டும் தலைவரே நாங்கள் தவறான வழியில் சம்பாதித்த பணத்தையெல்லாம் வெளி  நாட்டில் பதுக்கிவிட்டோம்.அவை எல்லாவற்றையும் கப்பலில் ஏற்றி கொண்டு வர சொல்லியிருக்கிறோம் ...விரைவில் வந்துவிடும் ...அது வரை சற்று பொறுக்கவேண்டும் என வேண்டினர்.

அதைக் கேட்டு அதிர்ச்சியடைந்த  மக்கள் அனைவரும் தலையில் கை வைத்துக்கொண்டு கப்பலின் வருகைக்காக காத்துக்கொண்டிருந்தனர்.

01 ஆகஸ்ட் 2012

எரித்தாலும் ஆபத்து... புதைத்தாலும் ஆபத்து என்னதான் செய்வது மின்குப்பையை?

நன்றி: புதிய தலைமுறை 

அதிஷா

எப்போதும் இல்லாத அளவுக்கு மின்னணுக் கழிவுகள் தமிழகம் எங்கும் மலைபோல் குவிகின்றன. விளைவு, இந்திய அளவில் மின் கழிவு உற்பத்தியில் தமிழகத்திற்கு இரண்டாமிடம்!

ம் வருங்காலம் நம் கண்முன்னே நஞ்சுவைத்துக் கொல்லப்படுகிறது. நம்முடைய நிலத்தடி நீரும், மண்வளமும் விஷமாகின்றன. காரணம், மலைபோல் குவிந்துவரும் மின்-கழிவுகள் (E - WASTE). சென்ற ஆண்டு மட்டுமே 28,789 மெட்ரிக் டன் அளவுக்கு சென்னையில் மின்கழிவுகள் குவிந்துள்ளன. இந்த ஆண்டு இதன் அளவு இரட்டிப்பாகலாம் என எச்சரிக்கின்றனர் வல்லுநர்கள். இது அடுத்த இருபது ஆண்டுகளில் இரண்டு லட்சம் டன் என்னும் அளவுக்கு உயரும் என பயமுறுத்துகின்றனர். சென்னை நகரத்தில் மட்டுமே ஒவ்வொரு நாளும் 4,500 டன் மின்கழிவுகள் கொட்டப்படுவதாக கூறப்படுகிறது! இந்திய அளவில் மின்கழிவு உற்பத்தியில் சென்னைக்கு நான்காமிடம்.

சின்ன ரிமோட் கண்ட்ரோல் பழுதடைந்துவிட்டதா? அதை சரி செய்வதெல்லாம் ஃபேஷன் கிடையாது. தூக்கி குப்பையில் போடு. புதிது வாங்கிக்கொள்வோம். கம்ப்யூட்டர் மானிட்டர் தொடங்கி மிக்ஸி, எம்பி3 பிளேயர், கேமரா, லேப்டாப், செல்போன், டி.வி., டிவிடி பிளேயர், டிவிடி, விசிடிகள் என இன்னும் ஏகப்பட்ட மின் மற்றும் மின்னணு சமாச்சாரங்கள் அப்டேட் ஆக ஆக பழையவை குப்பைக்குச் செல்கின்றன அல்லது காய்லாங்கடையில் எடைக்கு போடப்படுகின்றன. இந்த மின்னணுக் கழிவுகளால் என்ன பிரச்சினை? அவற்றினால்  சுற்றுச்சூழல் எப்படிப் பாதிக்கப்படுகிறது? இவற்றால் நமக்கு என்ன பாதிப்புகள் உண்டாகும்? அணுக்கழிவுகளை விட இந்த மின்கழிவுகள் ஆபத்தானவை என்பதை அறிந்துகொள்ளாமலே நிறுவனங்கள்  சந்தைப்படுத்தும் புதுப்புதுப் பொருட்களை நாமும்  வாங்கிக் குவித்துக் கொண்டிருக்கிறோம் என்பதுதான் இன்றைய கவலைக்குரிய நிலை.

மின்கழிவின் பூர்வாங்கம்!

மின்கழிவு என்பது ஏதோ செவ்வாய்க் கிரகத்திலிருந்து நம் பூமியைப் பாழாக்க பாய்ந்து வந்த விண்கல் கிடையாது. நாம் பயன்படுத்தி குப்பையில் போடும் காப்பர் ஒயர்களில் தொடங்கி பழைய மிக்ஸி, டி.வி., கணினி, மொபைல் போன், டிவிடி பிளேயர், ட்யூப் லைட், தொலைபேசி இன்னும் மின்சாரத்தால் இயங்கிக் கொண்டிருக்கிற எல்லாமே பயன்படுத்துவதற்கான தகுதியை இழக்கும்போது மின்கழிவாகி விடுகிறது. தமிழகத்தில் குவியும் இருபத்தியெட்டாயிரம் டன் மின்கழிவில் 60 சதவிகிதம் பழைய கணினிகள் மட்டுமே என்பது அதிர்ச்சித் தகவல்.

"வேகமாக வளரும் பொருளாதாரம், அது சார்ந்த புதுப்புது தொழில்நுட்ப வளர்ச்சிகள், அதிகரித்துவரும் நுகர்வுக் கலாச்சாரம் இவைதான் கடந்த பத்தாண்டுகளில் மின்கழிவுகள் மலைபோல் குவியக் காரணம்" என்கிறார் ‘டாக்ஸிக் லிங்க்ஸ்’ அமைப்பின் அருண்செந்தில்ராம்.

இவையெல்லாம் மக்காத குப்பைகளாக ஒருபுறம் குவிந்து கொண்டிருக்க, இவற்றை என்ன செய்வதென்று தெரியாமல் அரசு விழிபிதுங்கிப் போய் அலைகிறது. பழைய கணினிகளால் உண்டாகும் மின்கழிவின் அளவு மட்டுமே அடுத்த பத்தாண்டுகளில் 500 மடங்கு அதிகரிக்கும் என்கிறது ஐ.நா. சுற்றுச்சூழல் திட்ட அமைப்பின் அறிக்கை.

காயலான் கடை வில்லன்கள்

உங்கள் வீட்டில் ஒரு பழைய மானிட்டரும் கீபோர்டும் மவுசும் பல நாட்களாய் கிடக்கின்றன. கொண்டுபோய் காயலான் கடையில் எடைக்குப் போட்டுவிடுகிறீர்கள். அதற்குப் பிறகு அவை என்னாகும் என்று தெரியுமா? நம்முடைய பழைய எலெக்ட்ரானிக் பொருட்கள் காயலான் கடையில் உடைத்து நொறுக்கப்படுகின்றன. அதிலிருக்கிற நல்ல விலை கிடைக்கிற இரும்பு, பிளாஸ்டிக், அலுமினியம் மாதிரியான பொருட்கள் பிரித்தெடுக்கப்படுகின்றன. இதனால் பெரிய பாதிப்பில்லை. இதற்குப் பிறகு இவர்கள் கையாளுகிற முறைகள்தான் சுற்றுச்சூழலின் வில்லன்கள்.

பிவிசி ஒயர்களை எரித்து காப்பரை பிரித்தெடுப்பது, வெறும் கைகளால் கம்ப்யூட்டர் மானிட்டர் மற்றும் ஹார்டு டிஸ்க்குகளை கையாள்வது, அவற்றில் இருக்கிற விலை உயர்ந்த உலோகங்களை அமிலத்தைப் பயன்படுத்திப் பிரிப்பது போன்ற ஆபத்தான அணுகுமுறைகள் கையாளப்படுகின்றன. பயன்படுத்தக்கூடிய விலை கிடைக்கக்கூடிய பொருட்களைப்பிரித்தெடுத்தவுடன் மீதமுள்ளவை குப்பையில் கொட்டப்படுகின்றன. ஒட்டுமொத்தமாக இந்த சர்க்யூட் போர்டுகளைப் போட்டு பெட்ரோல் ஊற்றி எரிக்கின்றனர். இதுதான் தமிழகம் முழுக்கவே தற்போதைய காயலான் கடைகளில் பயன்படுத்தப்படும் மறுசுழற்சி முறை! இவைதான் சுற்றுச்சூழலுக்கு மிகப் பெரிய ஆபத்தை உண்டாக்கக் கூடியதாக உள்ளன. இதனால் இந்த மின்கழிவுகளைக் கையாள்பவர்களுக்கு மட்டுமின்றி, இந்தச் சமூகத்துக்கே மிகப் பெரிய ஆபத்து காத்திருக்கிறது.

பாதிப்பு என்ன?

நம் உடல்நலத்தையும் இவை விட்டு வைப்பதில்லை. ட்யூப் லைட்டுகளில் இருக்கிற பாதரசம் நம் கல்லீரலைப் பாதிக்கும் வலிமை கொண்டவை. பிரிண்டர் இங்குகளிலும் டோனர்களிலும் பயன்படுத்தப்படும் கேட்மியம் நம்முடைய கிட்னியை நேரடியாகப் பாதிக்கும் சக்தி கொண்டவை. மின்கழிவுகளில் பரவலாகக் காணப்படும் நஞ்சான பெரிலியம் நம்முடைய நுரையீரலை பாதிக்கச்செய்து புற்றுநோயை உண்டாக்குமாம்.

இந்த நச்சுப்பொருட்கள் நம்முடைய டிஎன்ஏவை கூட பாதிப்படையச் செய்யும் வலிமை கொண்டவை என எச்சரிக்கின்றனர் மருத்துவ நிபுணர்கள்.

சீனாவின் ஜேஜியங் பல்கலைக்கழகம் நடத்திய ஆய்வறிக்கை, தவறான முறைகளில் கையாளப்படும் மின்கழிவுகளால் காற்றுமாசடைகிறது, அதனை சுவாசிக்கும் மக்களுக்கு டிஎன்ஏ பாதிப்பும், கேன்சரும் உண்டாகிறதென்றும் கூறுகிறது.

மறுசுழற்சி பண்ணுங்க!

இப்பிரச்சினைக்கு தற்போது முன்வைக்கப்படும் மிக முக்கியமான தீர்வு, ரீசைக்கிளிங் எனப்படும் மறுசுழற்சி முறை. நாம் பயன்படுத்தும் கணினியில் இருக்கிற மைக்ரோ பிராசசர் தொடங்கி, மொபைல் போன் வரைக்கும் எல்லா பொருட்களும் மறுசுழற்சிக்கு ஏற்றவைதான். இதன் மூலம் நல்ல லாபமும் கிடைக்கும். அதோடு, நம் கனிம வளங்களும் காக்கப்படும்.

நாம் பயன்படுத்தும் எலெக்ட்ரானிக் பொருட்களில் 90 சதவிகிதம் முழுமையாக மறுசுழற்சி செய்து மீண்டும் உபயோகிக்கக் கூடியவைதான். ஆனால் இந்தியாவில் கொட்டப்படும் நான்கு லட்சம் டன் மின்கழிவில் வெறும் நான்கு சதவிகிதம்தான் அங்கீகரிக்கப்பட்ட மறுசுழற்சியாளர்களிடம் செல்கிறது. மீதமுள்ள அனைத்தும் தவறானவர்களின் கைகளில் சிக்கி நிலத்தையும், நீரையும்,நம்மையும் மாசடையச் செய்கின்றன அல்லது மக்காத குப்பையாக மண்ணில் கொட்டப்படுகின்றன.

"சென்னையில் மட்டுமே 18 மறுசுழற்சி மையங்கள் இயங்கி வருகின்றன. ஆனால், அவை போதிய மின்கழிவுகள் கிடைக்காமல் ஏனோதானோ என்றுதான் இயங்குகின்றன. மறுசுழற்சிக்கு ஓரளவு செலவாகும். ஒவ்வொரு விஷயத்தையும் பார்த்துப் பார்த்து செய்ய வேண்டியிருக்கும். அதனால், நாம் பழைய மின்கழிவுகளைப் பெற அதிகப் பணம் தர இயலாது.  ஆனால் அங்கீகாரம் பெறாத ஆட்கள், அரசு சொல்லும் வழிமுறைகளைப் பின்பற்றுவதில்லை என்பதால் அதிக விலை கொடுத்து இதைப் பெறுகின்றனர். பெரிய ஐ.டி. நிறுவனங்களும் அதிகமாக விலை கொடுப்பவருக்கே தங்களுடைய பொருட்களைக் கொடுப்பதால், எங்களால் திறம்பட எதையும் செய்ய முடிவதில்லை. இது கட்டுபடுத்தப்படவேண்டும்" என வருத்தத்தோடு கூறுகிறார் குளோபல் ரீசைக்கிளிங் நிறுவனத்தின் மலர்மன்னன்.

என்னதான் தீர்வு?

மத்திய மாசுக்கட்டுப்பாட்டு வாரியத்தின் அனுமதி பெற்ற மறுசுழற்சி நிறுவனங்களிடம் நம்முடைய மின்கழிவுகள் சேரவேண்டும். இந்த மின்கழிவுகள் மிகச் சரியாக சுற்றுச்சூழலுக்கு ஆபத்தில்லாத வகையில் மறுசுழற்சி செய்யப்படவேண்டும். அதோடு, அந்த விவரங்கள் அனைத்தும் ஆண்டுதோறும் அரசால் ஆடிட் செய்யப்படவேண்டியதும் அவசியம்.

"எங்களிடம் கிடைக்கிற இந்த மின்கழிவுகளை ஆறு கட்டங்களாக மறுசுழற்சி செய்கிறோம். முதலில் வகைப்படுத்துதல், அவற்றில் பயன்தரும் பொருட்களைப் பிரித்தெடுத்தல், நச்சுத்தன்மை உள்ளவற்றை இனங்காணுதல், பாகங்களைப் பிரிப்பது, அவற்றை விதிமுறைகளின்படி மறுசுழற்சி செய்வது என இவை நடக்கிறது" என்கிறார் மலர்மன்னன்.

மின்கழிவுகள் தவறான கைகளில் சிக்குவதை கட்டுப்படுத்தவும், உற்பத்தியாளர்கள், நுகர்வோர், மறுசுழற்சியாளர்கள் என ஒவ்வொருவருக்குமானபொறுப்புகளையும் 2011ல் சட்டங்களாக இந்தியா அறிவித்தது. இவை கடந்த மே 1 முதல் அமலுக்கு வந்துள்ளன.

உற்பத்தியாளர்களுக்கு கிடுக்கிப்பிடி!

மின்னணுக் கழிவுகளை கையாளுதல் சட்டம் 2011 எக்ஸ்டென்டண்ட் புரொடியூசர் ரெஸ்பான்சிபிலிட்டி என்னும் வழிமுறையை அறிவுறுத்துகிறது. அதாவது உற்பத்தியாளரே மின்கழிவுக்கான பொறுப்பையும் எடுத்துக்கொள்ள வேண்டும்.

இதற்கென மாசுக்கட்டுப்பாட்டு வாரியம் தமிழகத்தில் பல்வேறு மறுசுழற்சியாளர்களுக்கு லைசென்ஸ் வழங்கியுள்ளது. அவர்களிடம் மட்டுமே உற்பத்தியாளர்கள் தங்களுடைய மின்கழிவுகளை அளித்து மறுசுழற்சி செய்ய வேண்டும் என்றும் சட்டம் சொல்கிறது. ஒவ்வொரு உற்பத்தி நிறுவனமும் தங்களுடைய பொருட்களுக்கான குப்பைகளைப்பெற கலெக்‌ஷன் சென்டர்களை உருவாக்கவும் அது வலியுறுத்துகிறது. இதையடுத்து டெல், சாம்சங், எச்.பி. மாதிரியான பெரிய நிறுவனங்கள் இதனை செயல்படுத்த தொடங்கியுள்ளது நல்ல தொடக்கமாக உள்ளது. டெல் நிறுவனம் தங்களுடைய லேப் டாப்களில் பயன்படுத்தப்படும் லித்தியம் ஐயான் பேட்டரிகளை பெற்றுக்கொண்டு புதிய பேட்டரிகள் வாங்கும்போது 500 ரூபாய் வரை தள்ளுபடி வழங்குகிறது.

நோக்கியா நிறுவனம் நாடு முழுக்க 1,500 இடங்களில் தங்களுடைய பழைய செல்போன்களை பெறும் திட்டத்தைச் செயல்படுத்தியுள்ளது. எச்.பி. நிறுவனம் உபயோகித்த கேட்ரிஜ்களை வாங்கி மறுசுழற்சி செய்து, புதிய கேட்ரிஜ்களை விற்கிறது.

"பெரிய நிறுவனங்கள் இவற்றையெல்லாம் செய்தாலும், திரும்பப் பெறப்படும் மின்கழிவுகள் முறையான வழிகளில் மறுசுழற்சிக்கு செல்கிறதா என்பதையும் அரசு கண்காணிக்க முன்வரவேண்டும்" என்கிறார் சுற்றுச்சூழல் ஆர்வலரான நித்யானந்த் ஜெயராமன்.

தேவை விழிப்புணர்வு

"சென்னையில் மட்டுமே பல ஆயிரம் டன் அளவுக்கு மின்கழிவுகளைக் குவிக்கிறோம். மின்கழிவுகளில் உள்ள நச்சுப் பொருட்கள், அதனால் நமக்கும் சுற்றுச்சூழலுக்கும் உண்டாகும் பாதிப்புகள் குறித்து நாம் அனைவரும் தெரிந்துகொள்ள வேண்டும். அடுத்த தலைமுறை குழந்தைகளிடம் இதுகுறித்துப் பேசவேண்டும். மாணவர்களுக்கும் பெற்றோர்களுக்கும் இதைப்பற்றி போதிய விழிப்புணர்வை உண்டாக்க வேண்டும்" என்கிறார்,‘டாக்ஸிக் லின்க்’ அமைப்பின் அருண் செந்தில்ராம்.

கர்நாடகா ஏற்கெனவே விழித்துக் கொண்டுவிட்டது. மங்களூருவில் வீட்டுக்கு வீடு மின்கழிவுகளைப் பெறும் வசதியை அரசே ஏற்படுத்தியுள்ளது. மக்களிடம் தொடர்ந்து இதுகுறித்த விழிப்புணர்வையும் ஏற்படுத்தி வருகிறது. பெறப்பட்ட குப்பைகள் உரிய நிறுவனங்களிடம் ஒப்படைக்கப்பட்டு மறுசுழற்சிக்குச் செல்கின்றன. அரசு இதுபோன்றமுன்மாதிரி திட்டங்களை நாடுமுழுக்க செயல்படுத்த முன்வரவேண்டும்.

ஈகோ ஏடிஎம்!

சென்ற மாதம் அமெரிக்காவின் லாஸ்வேகாஸ் நகரில் நடைபெற்ற எலக்ட்ரானிக்ஸ் பொருட்களுக்கான கண்காட்சியில் ஈகோ ஏடிஎம் (ECO ATM–) என்னும் இயந்திரம் அனைவரையும் கவர்ந்தது. இந்த இயந்திரம் பழைய எலெக்ட்ரானிக் பொருட்களைப் பெற்றுக்கொண்டு பணம் தரும் ஏடிஎம் மெஷின் போல இயங்கும். தேவையற்ற செல்போன்கள், ஐபாட், ஐபேட், எம்பி3 பிளேயர் உள்ளிட்ட எலெக்ட்ரானிக் சாதனங்களை இதில் போடவேண்டும். அதற்கான டிரேயில் முதலில் பொருளை வைக்க வேண்டும். சில வினாடிகளில் அதைக் கருவி உள்ளிழுத்துக் கொள்கிறது. அதைப் பல கோணங்களில் ஸ்கேன் செய்து தரத்தை மதிப்பிடுகிறது. அதற்கு எவ்வளவு பணம் கிடைக்கும் என்ற தகவல் திரையில் மின்னுகிறது. தொகை நமக்கு ஓ.கே. என்றால் அதற்கான பட்டனை அழுத்த வேண்டும். உடனே பணம் வெளியே வரும். தொகை கட்டுப்படி ஆகாவிட்டால் கேன்சல் என அழுத்தவேண்டும். பொருள் வெளியே வந்துவிடும். பில் போவெல்என்ற விஞ்ஞானி இதை வடிவமைத்துள்ளார். கணிசமான பழைய பொருட்கள் சேர்ந்த பிறகு, அவை அகற்றப்படும். சுற்றுச்சூழலைப் பாதிக்காத வகையில் அந்தப் பொருட்களில் இருந்து பிளாஸ்டிக், உலோகங்கள் என தனித் தனியாகப் பிரித்தெடுக்கப்பட்டு மறுசுழற்சி செய்யப்படும். ரொம்ப நல்ல ஐடியா இல்லையா?

105 நாடுகளின் குப்பைத்தொட்டி!

ம்மூர் குப்பைகளையே சமாளிக்கத் திணறும் அதேவேளையில் வளர்ந்த நாடுகளின் மெகா சைஸ் குப்பைத்தொட்டியாகவும் இந்தியா இருக்கிறது என்பது அதிர்ச்சிகரமான உண்மை. கிட்டத்தட்ட 105 நாடுகளின் குப்பைத்தொட்டியாக இந்தியா விளங்குகிறது. குஜராத் அருகே உள்ள புரோபோ கோலா என்ற துறைமுகத்தில் தான் அதிகளவில் உலக நாடுகளின் விஷத்தன்மை கொண்ட கழிவுப் பொருட்கள் தேங்கிக் கிடக்கின்றன . 380,000 டன் எலெக்ட்ரானிக் கழிவுப் பொருட்கள் 2007ல் இந்தியாவில் கொட்டப்பட்டுள்ளன.  இது 2012ல் 8,00,000 டன்னாக அதிகரிக்கும் என, ‘கிரீன்பீஸ் இந்தியா’ என்ற அமைப்பு தெரிவிக்கிறது. ஏன் வெளிநாடுகள் இந்தியாவுக்கு குப்பையை அனுப்ப வேண்டும்? ஒரு டன் குப்பையை சுத்திகரித்து மறுசுழற்சி செய்ய 12 ஆயிரம் ரூபாய் செலவாகும். கப்பலில் ஏற்றி இங்கே அனுப்பிவிட ஆகும் செலவு வெறும் 2,800 ரூபாய்தான்!

நாம் செய்ய வேண்டியதென்ன?
  • எப்பேர்ப்பட்ட அதிநவீனத் தொழில்நுட்பமே வந்தாலும் எந்தப் புதிய பொருளையும் வாங்குவதற்கு முன் அது நிச்சயமாக நமக்கு உபயோகம்தானா என்பதை நிறையவே யோசிக்க வேண்டும்.
  • முடிந்தவரை உங்களிடமுள்ள பொருட்களை செகண்ட் ஹேண்ட்டாக விற்க முயற்சி செய்யலாம்(விலை குறைவாகக் கிடைத்தாலும் அந்தப் பொருளின் ஆயுளை அது அதிகரிக்கும்).
  • உங்களிடம் லேப் டாப்போ, செல்போனோ, பழைய டி.வி.யோ இருக்கிறதென்றால் அதை யாருக்கும் விற்க மனமில்லையென்றால் அதை வாங்க வசதியில்லாத ஏழைகளுக்கு இலவசமாகக் கொடுக்கலாம்.
  • பழுதடைந்த பொருட்களை சரிசெய்ய முனையலாம்.
  • எக்ஸ்சேஞ்ச் மாதிரியான திட்டங்களில் உற்பத்தியாளரிடமே கொடுத்து புதிய பொருட்களை வாங்கலாம்.
  • மின்சாதனங்களை தவறியும் காய்லாங்கடைகளில் போடுவதை தவிர்க்கவும்.

31 ஜூலை 2012

பாக்கெட் குடிநீர் அருந்துபவர்களா நீங்கள்....

உலகில் பரவும் பெரும்பாலான நோய்கள் தண்ணீர் மூலமாகத்தான் பரவுகின்றன.கண்ணுக்குத் தெரியாத பல நோய்க் கிருமிகள் நிறைந்த நீரை அருந்துவதால் பல்வேறு  நோய்களுக்கு ஆளாகி பலர் இன்னல் படுகின்றனர்.

தற்காலத்தில் பிரயாணங்களின் போது பலர் பிளாஸ்டிக் பாக்கெட்டுகளில் அடைக்கப் பட்டு விற்கப் படும் குடிநீரை வாங்கி அருந்துகின்றனர். பிளாஸ்டிக் பாக்கெட்டுகளில் பல்வேறு அரசு தரச் சான்று முத்திரைகளெல்லாம் பொறிக்கப் பட்டிருக்கும்.ஆனால் அவை சுகாதாரமானதாகவோ தரமானதாகவோ இருக்கும் என்று நீங்கள் நம்பி அடிக்கடி அதை வாங்கி அருந்தினால் உங்களுக்கு பேராபத்து காத்திருக்கிறது.குடி நீர் பிளாஸ்டிக் கவரில்  அடைக்கப் பட்டாலே ஆபத்துதான்...அதிலும் சுகாதாரமற்ற நீர் அடைக்கப் பட்டால் ???


இரண்டு நாட்களுக்கு முன்பாக எனது நண்பர் திருநெல்வேலி மாவட்டம் இராதாபுரம் சென்றிருக்கிறார்.அங்கு தாகத்தை தணிக்கும் நிமித்தம் ஒரு பெட்டிக் கடையில் பாக்கெட் குடிநீர் வாங்கியிருக்கிறார் .

அதை குடிக்க முனைகையில் அந்த நீரினுள் ஒரு கொசு இறந்து கிடப்பதைப் பார்த்திருக்கிறார்.அதிர்ச்சியடைந்த அவர் உடனடியாக அந்த பாக்கெட்டை தன்னுடன் பத்திரமாக எடுத்துச் சென்று சுகாதார அலுவலர்களுக்கு தகவல் கொடுத்திருக்கிறார். 

 
தண்ணீர் பாக்கெட்டினுள் கொசு 



சம்மந்தப் பட்ட நிறுவனம் மீது நடவடிக்கை எடுக்கப்படுமா  என்பது இனிமேல்தான் தெரிய வரும்.

25 ஜூலை 2012

இப்படியும் ஒரு மாமனிதர்!

கோவை ம.யோகநாதன். 
 
கோவையை சேர்ந்த பேருந்து நடத்துனரான இவர் கடந்த 25 வருடங்களில் ஒரு லட்சம் மரங்கள் நட்டு சாதனை தமிழராக வலம் வருகிறார். 
 
 
இவரின் சொந்த ஊர் மயிலாடுதுறை. கோவை அரசு போக்குவரத்து கழகத்தில் நடத்துனராக பணியாற்றி வருகிறார் . 
 
மரக் கன்றுகளை நடுவதொடு விட்டுவிடாமல் ஒரு ஆண்டுவரை மரங்களை பாதுகாத்து, பராமரிக்கும் விதத்தையும் சொல்லி கொடுக்கிறார். சுதேசியாக வாழும் இவர் வெளிநாட்டு மரக் கன்றுகளை தொடுவதில்லை என்பதில் வைராக்கியம் உள்ளவர். தனது வருமானத்தில் பெரும் பகுதியை இந்த பசுமை வேள்விக்கே செலவிடுகிறார். மரம் வெட்டும் கொடுமையை எதிர்த்து பல போராட்டங்கள் நடத்தியுள்ளார்.

வார விடுமுறையான ஒவ்வொரு திங்கட்கிழமையும் பள்ளி மற்றும் கல்லூரிகளில் புகைப்படக்காட்சி(Slide Show) நடத்தி விழிப்புணர்வு புரட்சி செய்து வருகிறார். 
 
இதுவரை 3000 பள்ளிகளுக்கு மேல் விஞ்ஞான விளக்கப் படக் காட்சி நடத்தி இருக்கிறார். 
 
 
இவரின் இந்த சேவைக்காக, தமிழக அரசு, 2008ல் "சுற்றுச்சூழல் செயல் வீரர் விருது" , குடியரசு துணைத் தலைவரிடமிருந்து, 2010ல் "பசுமைப் போராளி விருது", "சிறந்த சுற்றுச்சூழல் ஆர்வலர் விருது' உள்ளிட்ட பல்வேறு விருதுகளை பெற்றுள்ளார்.

ஒவ்வொரு மாணவரும், தன் பிறந்த நாளன்று, ஒரு மரக்கன்றை நட்டு, பராமரித்து வளர்த்து வரும் வகையில், "உயிர் வாழ ஒரு மரம்'”என்ற திட்டத்தை உருவாக்கி, இதுவரை 15 ஆயிரத்துக்கும் மேலான பள்ளி, கல்லூரி மாணவர்களை சேர்ந்துள்ளார். 
 
 
இவரின் சேவையை கண்டு வெளிநாட்டவர் ஒருவர் இவருக்காக ஒரு இணையதளம்  இலவசமாக அமைத்து தந்திருக்கிறார்.
 
தகவல் உதவி: திரு சண்முக சுந்தரம்-முகநூல் 

படங்கள் உதவி: கூகுள் 


19 ஜூலை 2012

பாபுவும் டீச்சரும் -ஜோக்ஸ்


டீச்சர்: பாபு ....நீரினுடைய வேதியல் பெயர் சொல்லு பாக்கலாம் 

பாபு: HIJKLMNO  

டீச்சர்: என்னாச்சி  பாபு ....நான் எதையோ கேட்டா நீ எதையோ சொல்ற...

பாபு: நேற்று நீங்கதானே டீச்சர் சொன்னீங்க நீரோட வேதியல் பெயர் H to O ன்னு 
-------------------------------------------------------------------------------------------------------------------------------

டீச்சர்:(பாபுவிடம் உலக வரை படத்தைக் காட்டி) பாபு இதில் அமெரிக்காவைக் காட்டு பாக்கலாம் 

பாபு: இதுதான் அமெரிக்கா டீச்சர் (சரியாக காட்டுகிறான்)

டீச்சர்: வெரி குட் ....இப்போ அமெரிக்காவை கண்டு பிடிச்சது யாருன்னு சொல்லு பாக்கலாம் 

பாபு: அதிலென்ன சந்தேகம் ...நான்தான் கண்டு பிடிச்சேன் 

-------------------------------------------------------------------------------------------------------------------------------

டீச்சர்: பாபு... I  -ங்கிற வார்த்தையில தொடங்கி ஒரு வாக்கியம் சொல் பாக்கலாம் 

பாபு: I  is  ....(தொடர்ந்து ஏதோ சொல்ல முற்படுகிறான்) 

டீச்சர் : தப்பு பாபு I -க்கு அப்புறமா is  வராது am  தான் வரும்...சரியா சொல்லு 

பாபு: I am the ninth letter of the alphabet  

----------------------------------------------------------------------------------------------------------------------

டீச்சர்: உண்மையை சொல்லு பாபு ...நீ சாப்பிடுறதுக்கு முன்னாடி கடவுளை ஜெபிக்கிறது உண்டா?

 பாபு: என்னோட அம்மா உண்மையிலேயே நல்லா சமைப்பாங்க அதனால நான் ஜெபிப்பதில்லை 

----------------------------------------------------------------------------------------------------------------------

டீச்சர்: கடைசியா ஒரு கேள்வி பாபு...உனக்கு  பிடிக்காவிட்டாலும்  எதையாவது பற்றி உன்னிடம் பேசிக்கொண்டிருப்பவர்களை எப்படி அழைப்பாய்? 

பாபு: டீச்சர்  

------------------------------------------------------------------------------------------------------------------------------
*******************************************************************************

18 ஜூலை 2012

Mozilla Firefox 14 வெளியிடப் பட்டது

இணைய உலாவிகளில் முன்னிலை வகித்து வரும் Mozilla Firefox  உலாவியின் புதிய பதிப்பான வெர்சன் 14  வெளியிடப் பட்டுள்ளது .

இணைய பயன்பாட்டாளர்களுக்கு பல்வேறு வசதிகளை அளித்து வந்த Mozilla Firefox  மேலும் பல புதிய வசதிகளுடன் தற்போது வெளியிடப் பட்டுள்ளது. 



கடாஃபியின் கடைசி நிமிடங்கள் : புதிய வீடியோ

லிபிய அதிபராக இருந்த கடாஃபி கடந்த ஆண்டு அக்டோபர் 20  ல் கொல்லப்பட்டார் .தற்போது அவர் கொல்லப்பட்டபோது எடுக்கப்பட்டதாக கூறப்படும் புதிய  வீடியோ  வெளியாகியுள்ளது .



16 ஜூலை 2012

வீடியோக்களை மொபைல் போனுக்கு Convert செய்ய ஒரு சிறந்த மென்பொருள்!

Any Video Converter  -இது ஒரு இலவச மென்பொருள் .


DivX, XviD, MOV, RM, RMVB, MPEG, VOB, DVD, WMV, and AVI to MPEG-4 உள்ளிட்ட அனைத்து Format  களில் உள்ள வீடியோக்களையும் அனைத்து விதமான Format  களில் எளிதாக இம்மென்பொருள் மூலம் மாற்றிக்கொள்ளலாம்.

அதிலும் குறிப்பாக தற்போது உபயோகத்திலிருக்கும் பலவிதமான மொபைல் போன்களுக்கு ஏற்ற வகையில் வீடியோக்களை மாற்ற இம்மென்பொருள் உதவுகிறது.

கட்டணம் இலவசம் உபயோகிப்பதும் எளிது.

டவுன் லோடு செய்ய இங்கே கிளிக்குங்கள்.

14 ஜூலை 2012

கணினியின் வேகத்தை அதிகரிக்க ஒரு இலவச மென்பொருள்!

நமது கணினி நாளடைவில் வேகத்தை இழக்கிறது.வைரஸ் தாக்குதல் உள்ளிட்ட பல நிகழ்வுகள் கணினியின் வேகத்தைக் குறைக்கின்றன.


மேலும் registry  error  மற்றும் junk  file  கள் கணினியின் வேகத்தைக் குறைக்கின்றன. 

Comodo System Utility எனும் இம்மென்பொருள் கணினியின் பிழைகள் மற்றும் குப்பைக் கூளங்களை அகற்றி கணினியின் வேகத்தை அதிகரிக்கிறது.

இதை செயல் படுத்துவதற்கு முன்பாக கணினியை Back  up  எடுத்து வைத்துக்கொள்ளும் வசதியும் இதில் உள்ளது.முற்றிலும் இலவசமாகக் கிடைக்கும் இம்மென்பொருளை இயக்குவதும் எளிது.

தரவிறக்கம் செய்ய இங்கே சுட்டவும்.


13 ஜூலை 2012

உங்கள் கணினியைப் பற்றி துல்லியமாக அறிய இலவச மென்பொருள் !

ccleaner,defraggler போன்ற கணினிக்கு மிகவும் பயனுள்ள மென்பொருட்களை இலவசமாகக் கொடுத்த Piriform  நிறுவனம் தற்போது கணினியின் செயல்பாடுகள்  மற்றும் கணினியில் நிறுவப் பட்டுள்ள ஹார்டுவேர் மற்றும் ஆப்பரேடிங் சிஸ்டம் பற்றி தெளிவாக அறிந்துகொள்ளும் வகையில் Speccy  எனும் மென்பொருளை தற்போது இலவசமாக வழங்குகிறது.


கணினியின் வன்பொருட்களின் விபரங்களைத் தருவதோடு மட்டுமல்லாது அவற்றின் தற்போதைய வெப்பநிலை குறித்த தகவல்களையும் துல்லியமாகத் தருகிறது.

தேவைப் படுவோர் இங்கு கிளிக் செய்து மென்பொருளை இலவசமாக தரவிறக்குங்கள்.

10 ஜூலை 2012

கூடங்குளத்தில் அரசின் ஏமாற்று வேலைகள் -அம்பலப் படுத்தியது உண்மை கண்டறியும் குழு!

9-6-2012 திருநெல்வேலி மாவட்டம் நக்கநேரி கிராமத்தில் நடைபெற்றதாகச் சொல்லப்பட்ட கூடங்குளம் அணு உலை அவசர கால ஒத்திகை நிகழ்வு குறித்த மக்கள் சிவில் உரிமைக் குழுவின் (PUCL) உண்மை அறியும் குழு அறிக்கை
 
கூடங்குளம் அணு உலை யூனிட் 1, தற்போது அது தன் மின் உற்பத்தியைத் துவங்க ஆயத்தம் ஆகிவரும் நிலையில், அதில் எரிபொருள் நிரப்பும் பணி நடைபெரும் நிலையில், அணு உலையைச் சுற்றி 16 கிலோமீட்டர் சுற்றளவில் வசிக்கும் மக்களுக்கு அணு விபத்திலிருந்து தங்களைத் தற்காத்துக் கொள்ள அவசியமான அவசரகாலத் தற்காப்பு ஒத்திகைப் பயிற்சியை மாவட்ட நிர்வாகம் கட்டாயம் வழங்கவேண்டிய சட்ட ரீதியான கடமை உள்ளது.
 
இந்நிலையில் 9-6-2012 அன்று கூடங்குளம் அணுமின் நிலையத்தில் இருந்து 7 கிலோமீட்டர் தூரத்தில் உள்ள நக்கநேரி கிராமத்தில் மாவட்ட நிர்வாகம், அணுசக்தி ஒழுங்காற்றுக் கழகம், இந்திய அணுசக்திக் கட்டுமானக் கழகம் மற்றும் அணுசக்தித் துறை ஆகியோருடன் இணைந்து இந்தப் பயிற்சியை வெற்றிகரமாக வழங்கி விட்டதாக செய்தி ஊடகங்களுக்குத் திருநெல்வேலி மாவட்ட ஆட்சியர் அறிக்கை வெளியிட்டிருந்தார்.
 
கடந்த 2011 மார்ச் 11 ஆம் தேதியன்று ஜப்பானில் உள்ள புக்கிஷிமா அணு உலைகளில் விபத்து நடந்தபின்பு உலகளவில் துவங்கப்படவுள்ள முதல் அணு உலைதான் கூடங்குளம் அணு உலை; எனவே மக்களின் நல்வாழ்வு மற்றும் பாதுகாப்பு குறித்தும், அணு உலை சுற்றியுள்ள பகுதியில் அவசரகால பயிற்சி குறித்தும் கரிசனத்தோடு மக்கள் சிவில் உரிமைக் கழகம் உற்று நோக்குகிறது.
 
9-6-2012 ஆம் தேதியன்று நடத்தப்பட்டதாகச் சொல்லப்படும் பயிற்சி குறித்து மாவட்ட நிர்வாகத்தின் அறிக்கை ஒன்றாகவும், ஊடகங்கள் சிலவற்றில் அது குறித்து வந்த செய்திகள் முரண்பட்டதாகவும் இருந்தது. இடிந்தகரையில் அணு உலைக்கு எதிராகப் போராடிவரும் மக்களின் தலைவரான திரு.சுப.உதயகுமார் பயிற்சி குறித்து வெளியிட்ட அறிக்கையில் இடிந்தகரை போன்ற அணு உலைக்கு வெகு அருகாமையில் உள்ள பெரிய கிராமங்களை விட்டு விட்டு நக்கநேரி போன்ற தொலைவில் உள்ள குக்கிராமத்தில் பயிற்சி அளிக்கப்பட்டது உள்நோக்கம் கொண்டது என்று குறிப்பிட்டிருந்தார்.
 
இதன் பின்னணியில், மக்களுக்கு வழங்க வேண்டிய உயிர்காக்கும் பயிற்சி ஒத்திகை குறித்து நக்கநேரி கிராமத்துக்கு சென்று அதன் உண்மைகளை அறிய மக்கள் சிவில் உரிமைக் கழகத்தின் குழு 13-6-2012 மற்றும் 20-6-2012 ஆகிய தேதிகளில் அப்பகுதியில் கள ஆய்வு மற்றும் மக்களிடம் நேர்காணல்களை நடத்தியது. மேலும் இதனுடன் தொடர்புடைய அரசு மற்றும் அணுசக்தித் துறை அதிகாரிகளுடன் தொடர்பு கொண்டு இது குறித்த விசாரணையை மேற்கொள்ள நடவடிக்கை எடுத்தது.
 
உண்மை அறியும் குழு உறுப்பினர்கள்:

வழக்குரைஞர் ச.பாலமுருகன் – மாநிலச் செயலர், பியுசிஎல்
ஜார்ஜ் வில்லியம்ஸ் – துணைத் தலைவர், குமரி மாவட்டம்
பொன் சந்திரன் – தலைவர், கோவை மாவட்டம்,
பேராசிரியர் பாத்திமா பாபு – உறுப்பினர், தூத்துக்குடி மாவட்டம்
சந்திரசேகர் – பொருளாளர், கோவை மாவட்டம்
மருத்துவர் ரா.ரமேஷ் – உறுப்பினர், கோவை மாவட்டம்,
தனலட்சுமி – உறுப்பினர், கோவை மாவட்டம்
ஃபெலிக்ஸ் – உறுப்பினர், குமரி மாவட்டம்
நக்கநேரி கிராமம்:

நக்கநேரி கிராமம் சுமார் 150 வீடுகளைக் கொண்டது; அவற்றில் பெரும்பாலானவை ஓட்டு வீடுகளே. அங்குள்ள மக்கள் பெரும்பாலும் ஆதிதிராவிடர் சாதியைச் சேர்ந்தவர்கள்; இவர்கள் விவசாயக் கூலி வேலை, காற்றாலை, கட்டுமானப் பணிகள், மீன் தொரடர்பான தொழில்கள் ஆகியவற்றில் ஈடுபட்டுள்ளவர்கள். மேலும் தமிழகம், மற்றும் இலங்கையின் தேயிலைத் தோட்டங்களில் பணி புரிந்து மீள் குடியேறியவர்களாகவும் உள்ளார்கள். இந்த கிராமம் ராதாபுரத்திற்கும், அஞ்சுகிராமத்திற்கும் இடையிலும், கூடங்குளத்திற்கும் வடக்கன்குளத்திற்கும் இடையிலும் உள்ள இரண்டு சாலைகளின் சந்திப்பில் அமைந்துள்ளது. சாலையின் கிழக்குப் புறத்தில் புள்ளமங்கலம் கிராமமும், மேற்குப் புறத்தில் நக்கநேரியும் அமைந்துள்ளன. இந்த கிராமம் தனக்கர்குளம் பஞ்சாயத்துக்குக் கீழ் வரும் கிராமமாகும். இந்தக் கிராமத்தைச் சுற்றி அதிக அளவில் காற்றாலைகள் உள்ளன. 230 கிலோவாட் துணை மின் நிலையமும், சுஸ்லான் நிறுவனத்தைச் சார்ந்த 715 மெகாவாட் திறனுள்ள காற்றாலைகளும் இங்கு உள்ளன.
கள ஆய்வு
 
உண்மை அறியும் குழு 13-6-2012 அன்று காலை நக்கநேரி சென்றது. நக்கநேரி சாலை சந்திப்பில் உள்ள பேருந்து நிழற்குடை, ஆட்டோ ஸ்டேண்ட், தேனீர்க் கடைகள், வீடுகள் ஆகியவற்றில் இருந்த மக்களிடம் தன் விசரணையைத் தொடங்கியது. 
அந்த கிராமத்தில் அன்றைய தேதியில் மரணம் ஒன்று நடந்துவிட்டிருந்த படியால் எவரும் பணிக்கு சென்றிருக்கவில்லை. எனவே, பகல்வேளையில் சாதாரணமாக வெறிச்சோடிக் கிடக்கும் அந்த ஊரில் பலரை சந்திக்க வாய்ப்பு கிட்டியது. அவர்களிடம் கண்ட நேர்காணல்களை குழு வீடியோவில் பதிவு செய்து கொண்டது. 
அன்று மாலை பயிற்சி குறித்து ஏற்கனவே மாற்றுக் கருத்தைத் தெரிவித்திருந்த அணுசக்தி எதிர்ப்புத் தலைவரான சுப.உதயகுமாரை இடிந்தகரை கிராமத்தில் சந்தித்தது. மேலும், பயிற்சியை முன் நின்று நடத்திய அணு சக்தித் துறை அதிகாரிகளான - கூடங்குளம் அணு மின் நிலையத் தலைவர் சுந்தர், மென்நீர் அணு உலைகளின் தலைவரான காசிநாத் பாலாஜி ஆகியோரைத் தொடர்பு கொண்டது. 
திரு.சுந்தர் அணு சக்தித் துறையின் இந்தப் பயிற்சிக்கு அறிவியல் பூர்வமான ஆலோசனை மட்டும் வழங்கியதாகவும், உண்மையில் அதனை மாவட்ட நிர்வாகம்தான் நடத்தியதாகவும், மேலும் தங்கள் துறையினைச் சேர்ந்த சில அதிகாரிகள் பயிற்சியில் பங்கெடுத்ததாகவும், தான் தனிப்பட்ட முறையில் அதில் கலந்துகொள்ளவில்லை என்றும் கூறினார். எனவே உண்மை அறியும் குழுவின் கேள்விகளுக்கு மாவட்ட ஆட்சியரே பதில் சொல்ல வேண்டும் என்று கூறிவிட்டார். 
 
மற்ற அதிகாரியான காசிநாத் பாலாஜி பேச மறுத்து விட்டார். 
 
மேலும் வருவாய்த்துறை அதிகாரியான சேரன்மாதேவி சப் கலெக்டர் ரோகிணி ராமதாஸ், மாவட்ட ஆட்சியர் ஏற்கனவே இதுகுறித்து பத்திரிக்கைகளுக்கு அளித்த செய்திக் குறிப்பில் விளக்கம் அளித்துவிட்டபடியால், தன்னால் எதுவும் பேச இயலாது என்று கூறிவிட்டார். 
ராதாபுரம் தாசில்தாரும் இது குறித்து பேச மறுத்து விட்டார். 
மாவட்ட ஆட்சியரைத் தொடர்புகொள்ள முயற்சித்த போது, அவரை உண்மை அறியும் குழு சந்திக்க முடியாது என்றும், வேறொரு நாளில் இந்தக் குழுவே அவரை நேரடியாக வந்து அவரைச் சந்திப்பதற்கான முயற்சிகளை மேற்கொள்ளலாம் என்றும் மாவட்ட ஆட்சியரின் பொது உதவியாளர் கூறிவிட்டார்.
 
அதன் பின்பு, 20-6-2012 அன்று மீண்டும் இக் குழு நக்கநேரி கிராமத்திற்குச் சென்று பல்வேறு தரப்பட்ட சமூக, பொருளாதார நிலையைச் சேர்ந்த மக்களை சந்தித்தது. அவர்களிடம் பயிற்சி குறித்த எழுத்துப் பூர்வமான வாக்குமூலங்களையும் பெற்றது. இதில், தனக்கர்குளம் பஞ்சாயத்துத் தலைவர் திருமதி.விஜயலட்சுமி, நக்கநேரி கிராம உறுப்பினர் திருமதி.இசக்கியம்மாள், வள்ளியூர் யூனியன் கவுன்சில் உறுப்பினர் திரு.சுயம்புலிங்கத்துரை ஆகியோரும் அடக்கம்.
 
இவர்கள் அனைவரும் 9-6-2012 ஆம் தேதியன்று மாவட்ட நிர்வாகம் நக்கநேரி கிராம மக்களுக்கு எவ்வித அணு விபத்து அவசரகால ஒத்திகைப் பயிற்சியும் வழங்கவில்லை என்றும், அதுகுறித்து மக்களான தங்களுக்கு அதிகாரிகள் எவ்விதத் தகவலையும் தெரிவிக்கவில்லை என்றும் வாக்குமூலம் அளித்தனர். மேலும் மாவட்ட நிர்வாகம் பத்திரிகையில் கூறியிருந்த மூன்று கட்ட ஒத்திகைகளான 
1) அணு விபத்து நடந்து விட்டது என்பதை அறிவித்தல்
2) மக்களை வீட்டுக்குள் இருக்க வலியுறுத்துதல், மற்றும் அவர்களை அயோடின் மாத்திரைகளை உட்கொள்ள வலியுறுத்துதல் 
3) மக்களையும், கால்நடைகளையும் அப்பகுதியில் இருந்து அப்புறப்படுத்த நடவடிக்கை எடுத்தல் 
 
போன்ற ஒத்திகைகளை நடத்தவில்லை என்றும் கூறினர்.
 
உண்மையில், அன்று காலை சுமார் 9 மணியளவில் காவல்துறையினர் நக்கநேரி சாலை சந்திப்பில் கூடியதாகவும், வாகன சோதனையில் ஈடுபட்டதாகவும், எதற்காக அவர்கள் வந்துள்ளார்கள் என்று கேட்ட மக்களிடம் பதில் எதையும் கூறாமல் மதியம் சுமார் 12-1 மணியளவில் கிளம்பிப் போய்விட்டதாகவும் கூறினர். மறுநாள் காலையில் பத்திரிகை செய்திகளைப் பார்த்த பொழுது நக்கநேரியில் முந்தைய நாள் அதிகாரிகள் அணு விபத்துத் தற்காப்புப் பயிற்சி அளித்ததாக எழுதப்பட்டிருந்ததைக் கண்டதாகக் கூறினார்கள். 
 
இதுகுறித்த உண்மை விபரம் அறிவதற்காக மாவட்ட ஆட்சியரைச் சந்திக்கத் திருநெல்வேலியில் உள்ள அவரது கேம்ப் அலுவலகத்திற்கு அன்று மாலை உண்மை அறியும் குழு பயணமானது. ஆனால் அவர் குழுவினை சந்திக்க மறுத்துவிட்டார். அவர் சார்பில் பேசிய உதவி கலெக்டர் திருமதி ரோகிணி ராமதாஸ் ஏற்கனவே மாவட்ட ஆட்சியரால் வெளியிடப்பட்ட அறிக்கைதான் இறுதி அறிக்கை என்றும் அது தவிர பேசுவதற்கு ஒன்றுமில்லை என்றும் கூறிவிட்டார். எனவே, மாவட்ட ஆட்சியரின் 9-6-2012 செய்திக் குறிப்பையே அரசின் நிலைப்பாடாக எடுத்துக் கொள்ளவேண்டிய நிலைக்கு உண்மை அறியும் குழு தள்ளப்பட்டது.
 
காற்றின் தன்மை
 
9-6-2012 அன்று நக்கநேரி கிராமத்தை அவசரகாலப் பயிற்சிக்குத் தேர்வு செய்ததற்கான காரணமாக அதன் திசை அணு உலையில் இருந்து நக்கநேரி நோக்கி அதாவது தென்கிழக்கில் இருந்து வடமேற்கு நோக்கி வீசியதாக அரசின் பத்திரிகை செய்தி கூறியது. உண்மையில் தென்மேற்குப் பருவக் காற்று வீசும் காலமான இன்றைய காலகட்டத்தில் இந்தக் காற்று தென்கிழக்கில் இருந்து வடமேற்கு நோக்கி வீச வாய்ப்பில்லை என்பதை உண்மை அறியும் குழு அறிந்திருந்தது. அப்பகுதியில் உள்ள காற்றாலை தொடர்பான ஆய்வு மையங்களில் தனிப்பட்ட ரீதியில் விசாரித்தபோது, 9-6-2012 அன்று காலையில் காற்றானது அணு உலையில் இருந்து நக்கநேரியை நோக்கி வீசவில்லை என்றும், அது வடகிழக்கு – தென்மேற்கு திசையில் இருந்ததாகவும், அதாவது அணு உலையில் இருந்து 8 கிலோமீட்டர் அப்பால் உள்ள அணு உலை ஊழியர்கள் வசிக்கும் அணு விஜய் நகரை நோக்கி வீசியதாகவும் தெரிய வந்தது. இதில் வேடிக்கை என்னவென்றால், அணு விபத்தில் இருந்து மக்களைக் காப்பாற்ற கூடங்குளம் அணு உலைத் தலைவரின் தலைமையில் மாவட்ட ஆட்சியரை உள்ளடக்கிய உயர் மட்டக் குழுவானது தனது கட்டுப்பாட்டு அறையை இங்குதான் கொண்டிருந்தது என்பதுதான்!
 
உண்மை அறியும் குழுவின் முடிவுகள்

1. 9-6-2012 அன்று நக்கநேரி கிராமத்தில் அணு உலை விபத்து தொடர்பான அவசர கால பயிற்சியை மாவட்ட நிர்வாகம், அணுசக்தி வல்லுனர்களோடு சேர்ந்து நடத்தியது என்பது அப்பட்டமான பொய்யாகும். அதுபோன்ற எந்தவொரு ஒத்திகையும் அந்த கிராமத்தில் நடத்தப்படவில்லை.
 
2. திருநெல்வேலி மாவட்ட நிர்வாகம் இது போன்ற ஒரு பயிற்சியை மக்களுக்கு வழங்க அக்கறையற்று இருப்பதையும், அதற்காகத் தன்னை அறிவியல் பூர்வமாகத் தயார்படுத்திக் கொள்ளத் தாயாராயில்லை என்பதையே இந்த நிகழ்வு உணர்த்துகிறது. சர்வதேச அணு சக்திக் கழகம், மற்றும் இந்திய அணுசக்தி ஒழுங்காற்று முகமை ஆகிய நிரறுவனங்களின் செயல்திட்டங்களின் அடிப்படையில் பயிற்சிகளை அளிக்க மாவட்ட நிர்வாகவமும், அணுசக்தி நிர்வாகமும் தயாராயில்லை என்பதையும் நக்கநேரி நிகழ்வு சுட்டிக் காட்டுகிறது.
 
3. அணு உலையைச் சுற்றி உள்ள 16 கிலோமீட்டர் பகுதி என்ற அவசர காலப் பாதுகாப்புப் பகுதியில் வாழும் சுமார் 2 லட்சம் மக்களுக்கு அணு விபத்து நடக்கும் காலத்தில் உரிய சிகிச்சைகள் வழங்குவதற்குத் தரத்தையும், தகுதியையும் கொண்ட மருத்துவமனைகளும், முறையான மருத்துவக் கட்டமைப்புகளும் இல்லை.
 
4. இந்த 2 லட்சம் மக்களுக்கு விபத்துக் காலத்தின்போது கதிரியக்கத்தில் இருந்து பாதுகாத்துக் கொள்ள அவசியமாகும் தங்குமிடங்களும் இன்றுவரையும் முன்மொழியப்படவில்லை.
 
5. மேலும், சில கிராமங்களில் விபத்தின்போது வெளியேற மிக அவசியமாக இருக்கும் சாலைக் கட்டமைப்புகள் இல்லை. குறிப்பாக, அணு உலையில் இருந்து சுமார் 10 கிலோமீட்டர் தொலைவில் உள்ள சிவசுப்பிரமணியபுரத்தில் இருந்து அனுமன் நதியைக் கடந்துசெல்ல அவசியமாகும் பாலம் இல்லாமல் உள்ளது.
 
6. கூடங்குளம் அணு உலையின் சுற்றுச்சூழல் ஆய்வு மையம் நக்கநேரியை அவசரகாலப் பயிற்சிக்குத் தேர்வு செய்தது அறிவியல் செயல்பாட்டுக்கு எதிரானதாக உள்ளது. எனவே, கூடங்குளம் அணு உலையில் நடக்கும் விபத்துகளின்போது பாதுகாப்பு தொடர்பாக முக்கியச் செயல்பாடுகளில் ஈடுபடவேண்டிய இந்த ஆய்வு மையத்தின் நம்பகத் தன்மை இன்று கேள்விக்குள்ளாகியுள்ளது.
 
7. அணு உலையைச் சுற்றி அமைந்துள்ள ஆயிரக்கணக்கான காற்றாலைகள் அவசரகாலத்தின்போது அணு உலையில் இருந்து வெளியேறும் கதிரியக்க மாசினை தரையை நோக்கித் தள்ளிவிடும் தன்மையைக் கொண்டுள்ளன. இதன் காரணம் இந்த காலகட்டத்தில் மக்கள் கடுமையான பாதிப்புகளுக்கு உள்ளாக வேண்டிய சூழ்நிலை ஏற்பட்டுள்ளது. இதனை அணுசக்தித்துறையோ, அணுசக்தி ஒழுங்காற்று மையமோ கணக்கில் எடுத்துகொள்ளவில்லை.
 
8. மாவட்ட நிர்வாகமும், அணுசக்தி நிர்வாகவமும், அணுசக்தி ஒழுங்காற்று மையமும் கூட்டாகச் சேர்ந்துகொண்டு நடக்காத ஒரு அவசரகாலப் பயிற்சியினை நடந்ததாகவும், அது சர்வதேசத் தரம் வாய்ந்ததாகவும், சட்ட ரீதியில் அமைந்ததாகவும் கூறிவருவதென்பது அப்பட்டமான பொய்யை மக்கள் முன் பரப்பும் செயலாகவே கருத வேண்டியுள்ளது. இது சட்டவிரோதமானது. மேலும் நம் நாட்டின் அரசியல் சட்ட விதிகளையும், அதன் மதிப்பீடுகளையும் இழிவுபடுத்தும் செயலாகவும் உள்ளது.
பரிந்துரைகள்:
 
1. 9-6-2012 அன்று நக்கநேரி கிராமத்தில் நடைபெற்றதாகச் சொல்லப்படும் அணுவிபத்து அவசரகாலப் பயிற்சி செல்லத்தக்கதல்ல என்று அணுசக்தி ஒழுங்காற்று மையம் அறிவிக்க வேண்டும்.
 
2. இந்த நிகழ்வுக்குக் காரணமான மாவட்ட நிர்வாக அதிகாரிகள், அணுசக்தித் துறை அதிகாரிகள் ஆகியோரின் இந்தச் செயலானது பொய்யுரைத்தல் என்ற நிலையையும் தாண்டி அனைத்து மக்களின் உயிரோடு விளையாடும் செயலாக இருப்பதாகவே இந்தக் குழு கருதுகிறது. இந்த நிகழ்வினை மேற்பார்வை செய்ய வந்திருந்த அணுசக்தி ஒழுங்காற்று மையத்தின் அதிகாரிகள் பொய்யுரைதுள்ள அதிகாரிகளை இன்றுவரை கண்டிக்கவில்லை. எனவே இவர்கள் அனைவரும் சட்டத்தின் முன் நிறுத்தப்படவேண்டும்.
 
3. இந்த நிகழ்வு குறித்து உயர்மட்ட நீதி விசாரணை ஒன்றுக்கு அரசு உடனடியாக உத்தரவிட வேண்டும்.
 
4. அணு உலையைச் சுற்றியுள்ள 16 கிலோமீட்டர் அவசரகால அபாயப் பகுதியில் தரமான, தகுதிவாய்ந்த அனைத்து வசதியையும் கொண்ட மருத்துவமனைகள் உருவாக்கப்பட வேண்டும்.
 
5. அணு உலையைச் சுற்றியுள்ள 30 மற்றும் 80 கிலோமீட்டர் சுற்றளவில் உள்ள பகுதிகளும் விபத்தின்போது கடுமையான பாதிப்புகளுக்கு உள்ளாகும் என்பதை சர்வதேச ஆய்வுகள் உணர்த்துகின்றன. அமெரிக்காவில் இந்தப் பகுதிகளிலும் பிரத்யேக கவனம் செலுத்தப்படவேண்டும் என்பது சட்ட ரீதியான ஒன்றாக உள்ளது. எனவே, திருநெல்வேலி, கன்னியாகுமரி ஆகிய மாவட்டங்கள் முழுமையாகவும், தூத்துகுடி மாவட்டத்தின் பெரும்பகுதியும், கேரள மாநிலத்தின் தென்பகுதியும் பாதிக்கப்படும் என்பதால் இந்தப் பகுதிகளிலும் பாதுகாப்பு நடவடிக்கைகள் எடுக்கப்பட்டாக வேண்டும்.
 
6. விபத்து காலத்தின்போது மக்களைக் காப்பாற்றுவதற்காக அதிகாரிகள் தயாரித்துள்ள “அவசரகாலத் திட்டமிடல் கையேட்டின” மக்கள் முன் வெளிப்படையாக முன் வைத்திடல் வேண்டும்.
 
7. அணு உலையைச் சுற்றி உள்ள ஆயிரக்கணக்கான காற்றாலைகள் அணுவிபத்தின்போது வெளியாகும் கதிரியக்கத் துகள்களை மக்களின் மீது சுழற்றி விடும் கருவிகளாக இருக்கும். எனவே, விபத்தின்போது காற்றாலைகளின் இயக்கம் முழுமையாக நிறுத்தப்படல் அவசியம் என்பதை இந்தக் குழு அரசிடம் முன்வைக்கிறது.
 
8. விபத்தின்போது நடக்கும் அனைத்து தற்காப்பு நடவடிக்கைகளும் அதிகாரிகளை மையப்படுத்தியதாகவே உள்ளது. ஆனால் அது மக்கள், அவர்தம் பிரதிநிதிகள், உள்ளாட்சி நிர்வாகம் மற்றும் பிற மக்கள் ஊழியர்கள் ஆகியோரையும் உள்ளடக்கியதாக இருக்க வேண்டும். இதுபோன்ற நடவடிக்கைகளையே பல்வேறு நாடுகளின் அரசுகள் நடைமுறைக்குக் கொண்டுவந்துள்ளன.
 
9. தற்காப்பு நடவடிக்கைகளும், பயிற்சிகளும் 16 கிலோமீட்டர் சுற்றளவில் உள்ள அனைத்து கிராமங்களிலும் அணு உலை இயங்குவதற்கு முன்பாக நடத்தப்படல் வேண்டும்.
 
10. மேற்கூறிய அனைத்துப் பரிந்துரைகளும் முழுமையாக நிறைவேற்றப்பட்ட பின்பே கூடங்குளம் முதலாம் அணு உலைக்கான எரிபொருள் நிரப்புவதற்கான அனுமதியை அணுசக்தி ஒழுங்காற்று மையம் வழங்க வேண்டும்.
...............................................................................

உண்மை அறியும் குழு

20 ஜூன் 2012

ஆயிரம் பொய் சொல்லி அணு உலை கட்டவோ ?

கூடங்குளம் அணு உலைக்கு எதிரான போராட்டத்தை ஒடுக்கி உலையை திறக்க மத்திய மாநில அரசுகள் எல்லா ஏற்பாடுகளையும் செய்து முடித்துவிட்டதாக ஒரு மாயத் தோற்றம், மீடியா பத்திரிகைகள் வழியே சில மாதங்களாக உருவாக்கப்பட்டிருக்கிறது.

அது பாதி உண்மைதான். முழு உண்மை அல்ல. பெருமளவில் போலீசையும் முப்படைகளையும் அந்தப் பகுதியில் குவித்து, அறவழியில் போராடிவரும் மக்கள் மீது உணவு முற்றுகை நடத்தி, நிரந்தரமாக 144 தடை உத்தரவு போட்டு, அரசுகள் செய்யமுடிந்ததெல்லாம் – அணு உலை வளாகத்திற்கு ஊழியர்களையும் ‘விஞ்ஞானிகளை’யும் வேலை செய்ய அனுப்ப முடிந்தது மட்டும்தான்.

மொத்தம் 55 ,795 பொதுமக்கள் மீது எஃப்.ஐ.ஆர் போட்டு, அதில் 680 பேர் மீது ராஜத் துரோக வழக்கு பதிவு செய்தும் கூட அரசுகளால் கூடங்குளம் இடிந்தகரை போராட்டத்தில் ஈடுபட்டிருக்கும் மக்களின் உறுதியைக் குலைக்க முடியவே இல்லை. பல முறை முயற்சித்தும் போராட்டக் குழு தலைவர்களான உதயகுமாரையும் புஷ்பராயனையும் கைது செய்ய முடியவில்லை. அற வழியில் போராடும் மக்களை எப்படியாவது வன்முறையில் ஈடுபடத் தூண்டும் அத்தனை முயற்சிகளும் தோற்றன.
 
தொடர்ந்து 300 நாட்களைக் கடந்து மக்கள் போராடிக் கொண்டேதான் இருக்கிறார்கள். உண்ணாவிரதம் மட்டும் அவர்களின் போராட்ட வழியல்ல. நீதிமன்றங்கள் மூலமும், தகவல் அறியும் உரிமைச் சட்டத்தின் மூலமும் கூடங்குளம் அணு உலை எதிர்ப்புப் போராட்டக் குழு தொடர்ந்து போராடிக் கொண்டே இருக்கிறது.

இதனால் அடுத்தடுத்து அரசுகளின் பொய்கள் ஒவ்வொன்றாக அம்பலமாகிக் கொண்டே இருக்கின்றன. தமிழ்நாட்டில் இருக்கும் மின்சார தட்டுப்பாட்டை கூடங்குளம் அணு உலை செயல்பட்டால்தான் போக்கமுடியும் என்றும் ஜூன் மாதத்தில் உலை செயல்படத் தொடங்கியதும் ஆயிரம் மெகாவாட் மின்சாரம் வந்துவிடும் என்றும் அமைச்சர் நாராயணசாமி இடைவிடாமல் பொய் சொல்லிவந்தார்.

தமிழகத்தில் மின் தட்டுப்பாடு சற்றே ஜூன் மாதத்தில் குறைந்தது. ஆனல் காரணம் கூடங்குளம் அணு உலை அல்ல. காற்றாலைகள்தான் பெருமளவில் மின் தட்டுப்பாட்டை தணித்தன. கூடங்குளம் அணு உலை இன்னும் இயங்கவே தொடங்கவில்லை. ஆனால் அமைச்சரும் அணுசக்தி அதிகாரிகளும் பொய் சொல்வது மட்டும் தொடர்கிறது. இன்னும் 15 நாட்களில் அணு உலை இயங்கும் என்று நாராயணசாமி சொன்ன அதே நாளில், அணுசக்தித் தலைவர் ஆகஸ்ட் இறுதியில்தான் இயக்கமுடியும் என்று பேட்டி அளிக்கிறார்.

உலையை இயக்குவதில் பல சட்டச் சிக்கல்கள் இருக்கின்றன. அவற்றில் சில நீதிமன்றங்கள் முன்னர் எழுப்பப்பட்டுள்ளன. சர்வதேச அணுசக்தி முகமை விதித்திருக்கும் விதிகளைப் பின்பற்றாமல், உலையை இயக்குவதற்கான அனுமதியை இந்திய அணுசக்தி கட்டுப்பாட்டு வாரியம் வழங்க முடியாது.

எனவே விதிகளைப் பின்பற்றுவதாக பொய் சொல்வது, நாடகம் ஆடுவது என்ற நடவடிக்கைகளில் அணுசக்தித் துறையும் அரசுகளும் இறங்கியுள்ளன.

அணு உலையை சுற்றி 25 கிலோ மீட்டர் சுற்றளவில் வசிக்கும் மக்களுக்கு விபத்து ஏற்பட்டால் என்ன செய்யவேண்டும் என்பது பற்றிய பயிற்சியை, ஒத்திகையை நடத்தி முடிக்காமல், அணு உலையில் எரிபொருளை நிரப்பமுடியாது என்பதே விதி. இந்த பேரிடர் மேலாண்மைப் பயிற்சியை அனைத்து கிராமங்களுக்கும் வழங்காமல் உலையை இயக்கக் கூடாது என்றுதான் மூன்று மாதமாக போராட்டக் குழுவினர் கேட்டு வருகின்றனர்.

விபத்து ஏற்பட்டால், மக்களை இடம்பெயர்க்கவும், தயார்ப்படுத்தவும் செய்யவேண்டிய வழிமுறைகளுக்கென்று ஒரு கையேடு (மேனுவல்) இருக்கவேண்டும். அதை அணுசக்தி கட்டுப்பாட்டு வாரியமும் மாவட்ட நிர்வாகமும் ஜூன் 2011லேயே படித்து ஒப்புதல் கொடுத்துவிட்டதாக வாரியத் தலைவர் பட்டாச்சார்யா இப்போது ஏப்ரல் 17 அன்று எழுதிய கடிதத்தில் சொல்கிறார்.
ஆனால் இந்த மேனுவலின் பிரதியை அளிக்கும்படி உதயகுமார், தகவலறியும் உரிமை சட்டத்தின் கீழ் கலெக்டருக்கும் அணு உலை நிர்வாகத்துக்கும் விண்ணப்பித்தும் மேனுவல் தரப்படவே இல்லை.

ஆனால் இந்த ஜூன் 9 அன்று அணு உலைக்கருகே இருக்கும் கிராமத்தில் பேரிடர் மேலாண்மை பயிற்சியும் ஒத்திகையும் நடத்தப்பட்டுவிட்டதாக அணுசக்தி துறை அறிவித்திருக்கிறது. அணு உலைக்கு சுமார் இரண்டு கிலோமீட்டர் தூரத்தில் இருப்பது இடிந்தகரை. அடுத்த ஐந்து கிலோமீட்டர் சுற்றளவுக்குள் இருப்பவை கூடங்குளம், வைராவிகிணறு, செட்டிகுளம், ஸ்ரீரங்கநாராயாணபுரம் , பெருமணல், கூத்தப்புளி ஆகியவை. இந்த எந்த கிராமத்திலும் ஒத்திகை நடத்தப்படவில்லை.
 
உலையிலிருந்து ஏழு கிலோமீட்டருக்கு அப்பால் இருக்கும் நக்கநேரி என்ற கிராமத்துக்கு மாவட்ட அதிகாரிகளும், அணு உலை அதிகாரிகளும் வருகிறார்கள். ஊரில் பெரும்பாலோர் வேலைக்குப் போயாகிவிட்டது. எஞ்சியிருப்பது எழுத்தறிவற்ற கொஞ்சம் பெண்களும் குழந்தைகளும் மட்டுமே. இவர்களுடன் ஒரு மணி நேரம் பேசிவிட்டு. அதிகாரிகள் படை கார்களில் ஏறி போய்விட்டது. இதுதான் பயிற்சி , ஒத்திகை நடந்த லட்சணம்.

என்ன பேசப்பட்டது ? அணு உலையில் விபத்து ஏற்பட்டால் எப்படியெப்படி தப்பித்து ஓட வேண்டும் என்று பேசியதாக மக்கள் சொல்லவில்லை. டெங்கு காய்ச்சல் பற்றி விசாரித்தார்கள். உங்கள் பஞ்சாயத்துக்கு என்ன திட்டம் வேண்டும் என்று விசாரித்தார்கள் என்று அந்த பஞ்சாயத்து தலைவரே சொல்லியிருக்கிறார். கொஞ்சம் அயோடின் மாத்திரைகளை சாப்பிட்டால் கதிர் வீச்சு எதுவும் செய்யாது என்று சொன்னார்கள் என்ற அளவில்தான் நக்கநேரியில் அப்போது இருந்த சுமார் 100 பேரிடம் விசாரித்ததில் தெரியவந்துள்ளது.

இந்த பயிற்சியில் மூன்று கட்ட நடவடிக்கையாக எப்படி பேரிடரை சமாளிப்பது என்று மக்களுக்கு சொல்லப்பட்டதாக அணு உலை நிர்வாகமும் மாவட்ட கலெக்டரும் சொல்கிறார்கள்.ஓர் அணு உலை விபத்து ஏற்பட்டால் உடனே என்னென்ன செய்யவேண்டும் என்பது பிரும்மாண்டமான விஷயம். மக்களை பல கிலோமீட்டர் தொலைவுக்கு அழைத்துச் செல்ல பஸ்களை ஏற்பாடு செய்யவேண்டும். மிகக் குறைந்த நேரத்தில் அவை வந்து சேரவேண்டும். மத்திய கண்ட்ரோல் செண்ட்டர் அமைக்கப்பட்டு அங்கிருந்து மாவட்டம் முழுவதும் போலீஸ், வருவாய்த் துறை ஊழியர்களுடன் ஹாட் லைனில் தொடர்பில் இருக்க வேண்டும். வீட்டைவிட்டு ஓடும்போது என்னென்ன எடுத்துக் கொள்ளவேண்டும் எதையெல்லாம் எடுக்கத் தேவையில்லை என்ற பட்டியலை மக்களுக்கு சொல்லித் தரவேண்டும். இப்படி பல அம்சங்கள் உள்ளன. இது எதையும் செய்யாமல், பயிற்சியும் ஒத்திகையும் செய்யப்பட்டுவிட்டதாக அரசுகள் கூசாமல் பொய் சொல்லியிருக்கின்றன. (சுமார் 10 வருடம் முன்பு கல்பாக்கத்தில் இப்படி ஒரு ஒத்திகை நடத்தப்பட்டபோது பஸ் பிரேக் டவுன் ஆகிவிட்டது. எம்ர்ஜென்சி டிரில் நடப்பதே தனக்குத் தெரியாது என்று ஓர் மாவட்ட அதிகாரி சொன்னார். கண்ட்ரோல் ரூமில் போன் வேலை செய்யவில்லை. இப்போது நடத்தப்பட்ட ஒத்திகை அந்த அளவுக்குக் கூட இல்லை.)

இனி அடுத்த பயிற்சியும் ஒத்திகையும் 2014ல் நடத்தப்படும் என்று வேறு அணு உலை இயக்குநர் அறிவித்திருக்கிறார். அணு உலையை சுற்றி வாழும் லட்சக்கணக்கான மக்களுக்கு எந்த பயிற்சியும் தராமலே உலையை இயக்க அவசரப்படுகிறது அரசு.
 
அரசின் பொய்கள் தொடர்கின்றன.

தகவல் அறியும் உரிமை ஆணையத்திலும் நீதிமன்றத்திலும் போராடிப் போராடி கடைசியில் சைட் எவால்யுவேஷன் ரிப்போர்ட் எனப்படும் இட மதிப்பீட்டு அறிக்கையை அரசு தமக்கு தரவைத்திருக்கிறது போராட்டக் குழு. அணு உலைக்காக இடம் தேர்வு செய்த அடிப்படை என்ன என்பதற்கான அறிக்கை இது. ஆனால் இது ரஷ்ய கம்பெனிக்கு சொந்தமானது என்றும் அதை வெளியிட முடியாது என்றும் அரசு கூறி வந்தது.

கடைசியில் அரசு கொடுத்த அறிக்கை வெறும் 12 பக்கங்கள். அதிலும் நடுவே மூன்று பக்கங்கள் மிஸ்சிங். அறிக்கை தயாரிக்கப்பட்டது எண்பதுகளில். அறிக்கையை யார் எழுதினார்கள் என்ற பெயர்கள் விவரங்கள் எதுவும் கிடையாது. இந்த அறிக்கைப் படி உலைக்கு பத்து கிலோமீட்டர் சுற்றளவில் பத்தாயிரம் பேர் வசிக்கும் எந்த ஊரும் இல்லை என்று ஒரு பெரிய பொய் சொல்லப்பட்டிருக்கிறது. பேச்சிப்பாறை அணையிலிருந்து இரு குழாய்கள் வழியே உலைக்கு நீர் எடுக்கப்படும் என்கிறது இந்த அறிக்கை. கழிவுகள் கடலில் விடப்படும் என்றும் சொல்கிறது.

முழுமையான தகவல்கள் எதுவும் இல்லாமல், ஒப்புக்கு ஒரு அறிக்கையை அளித்திருக்கிறது அரசு. மக்களை ஏமாற்றுவது, நீதிமன்றத்துக்கு சென்றால், அதையும் ஏமாற்ற பெயரளவில் ஆவணங்களைக் காட்டி ஏமாற்றுவது, சர்வதேச அணுசக்தி முகமையை ஏமாற்ற ஒப்புக்கு ஒத்திகை நடத்துவது என்று எல்லாரையும் எப்படியாவது ஏமாற்ற தொடர்ந்து முயற்சித்துக் கொண்டே இருக்கிறது மத்திய அரசு. அதற்கு உடந்தையாக இருக்கிறது மாநில அரசு.

மிக ஆபத்தான ஒரு தொழில்நுட்பத்தோடு விளையாடுகிறோம்; மக்களின் உயிரோடு விளையாடுகிறோம் என்ற எச்சரிக்கை உணர்ச்சி அரசுக்கும் அனுசக்தி அதிகாரிகளுக்கும் இருப்பதாகவே தெரியவில்லை. கூடங்குளத்தில் நிறுவப்படும் உலைகளின் அமைப்பு பற்றியே இப்போது சந்தேகங்கள் எழுப்பப்பட்டுள்ளன. ரியாக்டர் பிரஷர் வெஸ்சல் எனப்படும் அணு உலை அழுத்தக் கொள்கலனில் நடுவே எந்த வெல்டிங்கும் இருக்காது என்று 2006ல் ரஷ்யாவுடன் போட்ட ஒப்பந்த ஆவணங்களில் கூறப்பட்டிருக்கிறது. ஆனால் இப்போது அணு சக்தி கட்டுப்பாட்டு வாரியம் கொள்கலனில் இரு இடங்களில் வெல்டிங் உள்ளதாக சொல்கிறது. இப்படி வெல்டிங் செய்யப்படும் இடங்களில் வெல்டிங் பொருட்கள் பலவீனமானவை என்பதால் பெரும் விபத்துக்கு வாய்ப்பிருப்பதாக முன்னர் கருதப்பட்டு, புதிய உலை வடிவமைப்புகளில் வெல்டிங் இல்லாத கொள்கலன்கள் உருவாக்கப்பட்டன. கூடங்குளத்துக்கு வழங்கப்படுவது அதி நவீன உலை என்று சொல்லப்பட்டது. ஆனால் பழைய மாதிரி வெல்டிங் உள்ள கலன்களே நிறுவப்பட்டுள்ளன. இதை பரிசோதித்துப் பார்த்து பழைய டிசைன் என்றால் மாற்றச் சொல்ல வேண்டும். ஆனால் எரிபொருள் நிரப்பி உலை இயங்க ஆரம்பித்துவிட்டால், கலனை எடுத்து சோதிக்கவே முடியாது.விபத்துகள் ஏற்பட்டால், ரஷ்ய கம்பெனிக்கு அதில் பொறுப்பு எதுவும் இல்லை என்ற பிரச்சினை வேறு தீர்க்கப்படாமலே இருக்கிறது.

ஆனால் ஏதாவது பொய் சொல்லி அணு உலையை நிறுவியே தீருவது என்று இருக்கும் அரசு இன்னொரு பக்கம், இந்த அணு உலைகளை எதிர்க்கும் மக்களுக்குப் பைத்தியம் பிடித்துவிட்டதாகக் கருதுகிறது. அறவழியில் 300 நாட்களாக ஆயிரக்கணக்கானோர் போராடுவது பைத்தியக்காரத்தனம்தான் என்று அரசு நினைப்பதில் ஆச்சரியமே இல்லை.
 
எனவே பெங்களூருவில் இருக்கும் நிம்ஹான்ஸ் எனப்படும் மனநோய் ஆய்வு நிலைய மருத்துவர்களை இடிந்தகரைக்கு அரசு அனுப்பியிருக்கிறது. மக்கள் இப்படி பிடிவாதமாகப் போராடுவதன் உளவியல் என்ன என்று ஆராய்ந்து அதை ‘குணமாக்க’ (உடைக்க) வழிகள் என்ன என்று சொல்லும்படி மருத்துவர்கள் கோரப்பட்டுள்ளனர்.

அண்மையில் ஒரு ஆத்திக நண்பர் பேஸ்புக்கில் ஒரு குறிப்பு எழுதினார் – பெரியாரோ பகுத்தறிவு இயக்கங்களோ என்னை நாத்திகனாக்கவில்லை. ஆனால் நித்தி, மதுரை ஆதீனம் போன்றோர் அதை நோக்கி என்னைத் துரத்துகிறார்கள் என்று. எனக்கு இப்படி சொல்லத் தோன்றுகிறது : எந்த ஆன்மிக குருவாலும், கோயிலாலும் என்னை ஆத்திகன் ஆக்கமுடியவில்லை. ஆனால் அணு உலையை அமைத்து மனித குல அழிவை விரைவுபடுத்தியே தீருவோம் என்று முரட்டுப் பிடிவாதத்தோடு இயங்கும் இந்திய அரசுகள் என்னைக் கடவுளை நோக்கித் தள்ளுகின்றன. என்னை, இடிந்தகரை மக்களை, ஜெயலலிதாவை, மன்மோகனை எல்லாரையும் அணு அழிவிலிருந்து அந்தக் கடவுள்தான் காப்பாற்றவேண்டும் என்று புலம்ப ஆரம்பித்துவிடுவேனோ ?!

 நன்றி : திரு.ஞானி  கல்கி வார இதழ் 16.6.2012