மே தினம் உருவானது எப்படி?

 

        1886-ம் ஆண்டு மே மாதம் 1ம் தேதியன்று சிகாகோ நகரில் தொழிலாளர்கள் 8 மணி நேரம் வேலை கேட்டு நடத்திய மகத்தான வேலை நிறுத்தப் போராட்டத்தின் அடையாளமே இன்று உலகம் முழுவதும் மே தினமாக கொண்டாடப்படு கிறது. இப்போராட்டத்திற்கு தலைமை தாங்கிய தோழர்கள் ஆல்பர்ட் பார்சன்ஸ், ஆகஸ்டு ஸ்பைஸ், ஜார்ஜ் ஏங் கல், அடால்ப் பிட்சர் ஆகியோர் தங்களது இன்னுயிரை இதற்காக விலையாக தரவேண்டியிருந்தது. தொழிலா ளர் தலைவர்கள் மீது கொலைக் குற்றம் சுமத்தப்பட்டு, மரண தண் டனை விதிக்கப்பட்டது.

        1886-ம் ஆண்டு மே மாதம் 1-ம் தேதியன்று சிகாகோ நகரில் 40 ஆயிரத்திற்கும் மேற்பட்ட தொழிலாளர்கள் வேலை நிறுத்தத்தில் ஈடுபட்டனர். அதன் ஒரு பகுதியாக கார்மிக் ஹார்வெஸ்டர் என்ற கம்பெனியின் முன்னால் திரண்டிருந்த 500 தொழிலாளர்களிடையில் தோழர் ஆகஸ்டு ஸ்பைஸ் உரையாற்றிக் கொண்டிருந்தார். அமைதியான முறையில் நடைபெற்றுக் கொண்டிருந்த இந்த கூட்டத்தை காவல்துறையினர் கண்மூடித்தனமாக தாக்கினர். இதில் ஒரு தொழிலாளி கொல்லப்பட்டார். ஐவர் படுகாயமுற்றனர். பலர் தாக்கப்பட்டனர். இந்த அடக்கு முறையை கண்டித்து அன்று இரவு, சிகாகோ நகரின் மையப் பகுதியில் உள்ள ஹே மார்கெட் என்ற இடத்தில் கண்டனக் கூட்டம் நடைபெற்றது. இக்கூட்டத்தில் தோழர்கள் ஆகஸ்டு ஸ்பைஸ், ஆல்பர்ட் பார்ஸன்ஸ், சாமுவேல் பீல்டன் ஆகியோர் கலந்து கொண்டனர். சிறிது நேரத்தில் மழை பெய்ய ஆரம்பித்துவிட்டதால் இறுதி கட்டத்தில் சுமார் 200 தொழிலாளர்கள் மட்டுமே இருந்தனர். சாமுவேல் பீல்டன் பேசிக்கொண்டிருந்தபோது, ஜான்போன் பீல்டு என்ற அதிகாரியின் தலைமையில், 180-க்கும் மேற்பட்ட காவல்துறையினர் கூட்டத்தினரை வளைத்து உடனடியாக கலைந்து போகும்படி உத்தரவிட்டனர். சிறிது நேரத்தில் அங்கு கலவரம் வெடித்தது. அப்போது திடீரென்று காவல்துறை யினர் மீது ஒரு கையெறி குண்டு வந்து விழுந்தது. அதில் ஒருவர் உயிரிழந்தார். 70-க்கும் மேற்பட்டோர் காயமடைந்தனர். இதனை தொடர்ந்து காவல்துறையினர் துப்பாக்கியால் கூட்டத்தை நோக்கி சுட்டனர். இதில் பல தொழிலாளர்கள் உயிரிழந்தனர்.

உரிமைக் குரல்

            இந்த கலவரத்தை காரணம் காட்டி தொழிலாளர்களின் தலைவர்கள் கைது செய்யப்பட்டனர். 1886-ம் ஆண்டு மே 1-ம் தேதி கைது செய்யப் பட்டு ஒரு ஆண்டிற்கு மேலாக நீதிமன்றத்தில் விசாரணை செய்யப்பட்டு, 1887-ம் ஆண்டு நவம்பர் மாதம் 11-ம்தேதி அவர்கள் தூக்கிலிடப்பட்டனர். மேற்கண்ட நான்கு தோழர்களுடன், அடால்ப் பிட்சர், மைக்கேல் ஸ்வார்ப், சாமுவெல் பீல்டன், லூயிஸ் லிங்க் மற்றும் ஆஸ்கர் நீப் ஆகிய தோழர்களும் வழக்கில் சேர்க்கப்பட்டனர். இவர்களில் ஆஸ்கர் நீப் என்ற தோழருக்கு 15 வருடம் சிறை தண்டனை விதிக்கப்பட்டது. மற்ற தோழர்களுக்கு மரண தண்டனை விதிக்கப்பட்டது. இந்த தீர்ப்புக்கு உலகம் முழுவதும் கடுமையான எதிர்ப்பு கிளம்பியது. ஆங்காங்கே போராட்டங்கள் நடைபெற்றன. இதன் விளைவாக ஸ்வார்ப் மற்றும் பீல்டன் ஆகியோருக்கு மரண தண்டனை ஆயுள் தண்டனையாக மாற்றப்பட்டது. தோழர்கள் ஆல்பர்ட் பார்சன்ஸ், ஆகஸ்டு ஸ்பைஸ், ஜார்ஜ் ஏங்கல், அடால்ப் பிட்சர், ஆகியோர் 1887-ம் ஆண்டு நவம்பர் மாதம் 11ந்தேதியன்று தூக்கிலிடப்பட்டனர். லூயிஸ் லிங்க் என்ற தோழர் சிறையிலேயே தன்னைத்தானே மாய்த்துக் கொண்டார்.

நீதிமன்றத்தில் உரிமைக் குரல்

          சிகாகோ நகர தொழிலாளர்களுக்கு 8 மணி நேரம் வேலை கேட்டு நடைபெற்ற போராட்டத்திற்கு தலைமை தாங்கி நடத்திய தோழர்களில் முதன்மையானவர் தோழர் ஆகஸ்டு ஸ்பைஸ் ஆவார். நீதிமன்றத்தில் இவர் மீது குற்றம் சுமத்தி வாதாடிய அரசு வழக்குரைஞர், ‘ஆயிரம் ஆயிரம் தொழிலாளர் இவர் பின்னால் அணிதிரண்டதே இவர் செய்த முதன் மையான குற்றம்’ என வாதிட்டார். ஆகஸ்ட் ஸ்பைஸோ, ‘இந்த குற்றச்சாட்டே தனக்கு தற்காப்பு வாதமாக அமைந்துவிட்டது” என எதிர்வாதம் செய்தார். காவலர்கள் மீது தான் குண்டு வீசியதாக அரசு தரப்பில் குற்றம் சுமத்தப்பட்டது இதன்மூலம் பொய் என நிரூபிக்கப்பட்டுவிட்டதாக வாதிட்டார். காவலர்கள் மீது வீசப்பட்ட குண்டு தன்னால் உண்மையில் வீசப்பட்டிருந்தால் அதை நீதிமன்றத்தில் ஏற்றுக்கொள்வதில் தனக்கு எந்தவித தயக்கமும் கிடையாது என்று தைரியத்தோடு  உரைத்தார்.

         மற்றொரு தோழர் ஆல்பர்ட் பர்ஸன் நீதிமன்றத்தில் வாதாடுகையில், மரம் கனிகளால் அறியப்படுவதைப் போல் தொழிலாளர்கள், போர்க்குணம் மற்றும் தியாகத்தின் மூலம் தங்களது உண்மையான தலைவர்களை அடையாளம் கண்டுகொள்வார்கள். தங்களுக்கு அளிக்கப்படும் மரணதண்டனை தீப்பொறியாக உலகம் முழுவதும் பரவும் என ஆர்ப்பரித்தார்.

            ஆஸ்கர் நீபி என்ற தோழர், கலவரம் விளைவிக்கப்பட்ட இடத்தில் நடந்த கூட்டத்திற்கு தான் தலைமை வகித்தேன் என்ற உண்மையை இந்த நீதிமன்றத்தில் ஒப்புக் கொள்வதாகவும், 8 மணி நேரம் வேலை கேட்டு போராடிய தொழிலாளர்களுக்கு நான் தலைவன் என்று சொல்லிக் கொள்வதில் பெருமைப் படுவதாகவும் உரைத்தார்.

         அடால்ப் பிட்சர் என்ற தோழர் நீதி மன்றத்தில் உள்ள காவலர்களைப் பார்த்து எள்ளி நகையாடி இவர்களா சட்டத்தின் காவலர்கள்? இவர்கள் திருடர்கள். அடுத்தவர்களின் சொத்தினை அபகரிப்பவர்கள் என எக்காளமிட்டார்.

          தோழர் மைக்கேல் ஸ்வாப், நீதி மன்றத்தில் தங்களுடைய நோக்கம் கலகம் விளைவிப்பது அல்ல, சோசலிசத்தை அடைவதே என்று பிரகடனப்படுத்தினார்.

         தோழர் ஜார்ஜ் ஏங்கல், தொழிலாளர்களின் தேவை, வேலை, ரொட்டி, அமைதி, இவை மூன்றுதான். இதுகூட இவர்களுக்கு இன்று உத்தரவாதப்படுத்தப் படவில்லை என்று முழக்க மிட்டார்.

           தோழர் சாமுவேல் பீல்டன் நீதி மன்றத்தில் உரையாற்றுகையில், நாங்கள் சோசலிசத்தைப் பேசினால் சிலர் பயப்படுகிறார்கள் நாங்கள் பிறரின் சொத்துக்களை சோசலிசத்தின் பெயரில் அபகரித்து விடுவோம் என நினைக் கிறார்கள். ஆனால் சோசலிசத்தின் நோக்கம் அது அல்ல. யார் ஒருவர் இன்னொருவருடைய சொத்துக்களை திட்டமிட்டு பறிக்கிறார்களோ அதை தடுத்து நிறுத்தக்கூடிய அமைப்பை உருவாக்குவதுதான் சோசலிசம் என விளக்கினார்.

முதலாளித்துவத்திற்கு சாவுமணி!

        சுரண்டப்படும் தொழிலாளர்களை திரட்டி, சோசலிச உணர்வுகளை ஊட்டி முதலாளித்துவ அமைப்பிற்கு எதிராக கிளர்ந்தெழச் செய்வதை ஒடுக்கவே, காவல்காரர்களே குண்டு வீசி சதி செய்து, தங்கள் மீது குற்றம் சுமத்தி மரண தண்டனை வழங்க திட்டமிட்டுள்ளார்கள் என்று தெரிந்திருந்தும், மே தின தியாகிகள் சிறிதும் அஞ்ச வில்லை. 

     நீதிமன்றத்தில் வாதாடுவது மூலம் தாங்கள் தண்டனையிலிருந்து தப்பமுடியும் என அவர்கள் எதிர்பார்க்கவில்லை. ஆனால் அந்தக் கொலைக் களத்தையும் பிரச்சார மேடையாக பயன்படுத்தி முதலாளித்துவத்தின் முகமூடியை கிழித்தெறிந்து, சோசலிசத்தின் மேன் மையை தூக்கிப் பிடித்து, நீதிமன்றத்தில் அவர்கள் ஆற்றிய உரையும், ஆதிக்க சக்திகளின் திணறலையும், வரலாற்று ஆவணமாக மாற்றிய அவர்களின் வீரத்தை போற்றி பாராட்ட வார்த்தை களே இல்லை. 

    அவர்கள் எதிர்பார்த்தது போலவே அவர்களுக்கு மரண தண்டனை விதிக்கப்பட்டது. தீரத்துடன் போராடிய அந்த தோழர்களுக்கு கிடைத்த மரண தண்டனையே முதலாளித்துவத்திற்கு அடிக்கப்பட்ட முதல் சாவு மணியாக மாறியது. அவர்களின் மரணமே உலகத் தொழிலாளர்களை ஒன்று சேர்த்திடும் மகத்தான சக்தியாக இன்று உருவெடுத்து உள்ளது.

மே தின தியாகிகள் வாழ்க!

நன்றி: NFPE

 

குறிப்பு: மீள் பதிவு

மரங்களின் தாய் பிறந்தநாள் இன்று!

மரக்கன்று நடுவது சுற்றுச்சூழலை மேம்படுத்தும் என்பதில் மாற்றுக் கருத்தில்லை. அதேநேரம், மரக்கன்று நடுதல் மட்டுமே சுற்றுச்சூழலை முழுமையாகக் காப்பாற்றிவிடுமா என்று கேட்டால், இல்லை என்றே சொல்ல வேண்டும். ஆனால், இந்த மரக்கன்று நடுதலைச் சற்றே வேறுபட்ட முறையில் நடைமுறைப்படுத்தி, வெறும் சுற்றுச்சூழல் பாதுகாப்புச் செயல்பாடாக மட்டுமில்லாமல் பெண்களுக்கு அதிகாரம் அளிப்பதாக, பெண்ணுரிமைக்குக் குரல் கொடுப்பதாக, ஜனநாயகத்தை மீட்டெடுப்பதற்கான போராட்டமாக மாற்றியவர் மறைந்த சுற்றுச்சூழல் போராளி வங்காரி மாத்தாய். அதைச் சாதித்துக் காட்டியது, அவர் தொடங்கிய பசுமை பட்டை இயக்கம் (Green belt movement).

கென்ய தலைநகர் நைரோபிக்கு வடக்கே, மாபெரும் கென்ய மலையின் பார்வையில் இருக்கும் மாகாணத் தலைநகரமான நையேரியில் 1940ஆம் ஆண்டு வங்காரி மாத்தாய் பிறந்தார். கென்யாவைச் சேர்ந்த பெரும்பாலான ஆப்பிரிக்கப் பெண்களைப் போலன்றி, அவர் உயர்கல்வி கற்றார். இளங்கலை, முதுகலை பட்டப் படிப்புகளை அமெரிக்காவில் நிறைவு செய்தார். 1971-ல் கென்யாவிலேயே முதல் டாக்டர் பட்டம் பெற்ற பெண்ணாக ஆனார், தொடர்ந்து நைரோபி பல்கலைக்கழகத்தின் முதல் பெண் பேராசிரியையாகவும் மாறினார்.

ஓர் உயிரியலாளராகக் காடு அழிப்பும், மண்ணரிப்பும் கிராமப் பகுதிகளில் பாதிப்பு ஏற்படுத்துவதை அவர் நேரில் கண்டுணர்ந்தார். பெரும்பாலும் உடலுழைப்பைச் செலுத்தும் பெண்களிடம், அது பெரும் பாதிப்பை ஏற்படுத்தியிருந்தது. கால்நடைகளின் மேய்ச்சல் நிலம் அழிக்கப்பட்டிருந்தது. விறகுக்கான மரங்களைத் தேடி மேலும்மேலும் தொலைதூரத்துக்குப் பெண்கள் அலைய வேண்டியிருந்தது.

1977-ம் ஆண்டு தன் பேராசிரியை பதவியை மாத்தாய் துறந்தார். அந்த வருட உலகச் சுற்றுச்சூழல் தினம் (ஜூன் 5-ம் தேதி) அன்று தன் வீட்டின் புழக்கடையில் ஒன்பது மரங்களை நட்டு, பசுமை பட்டை என்ற இயக்கத்தை அவர் தொடங்கினார். ஆப்பிரிக்கக் காடுகளை மீட்டெடுப்பது, காடு அழிப்பினால் ஏற்பட்ட வறுமையை முடிவுக்குக் கொண்டுவருவதே அந்த இயக்கத்தின் நோக்கம். இதன்மூலம் 30 வருடங்களில் மூன்று கோடி மரங்களை நடுவதற்கு ஏழைப் பெண்களைத் திரட்டினார்.

ஆப்பிரிக்காவில் காடழிப்பும் காடு இழப்பும், அதைச் பாலைவனமாக்கி விட்டதையும், நிலம் பாலைவனமாதல் உலகின் பல பகுதிகளுக்கும் பரவி வருவதையும் இப்போது நாம் பார்க்கிறோம். பாலைவனமாவதில் இருந்து காடுகளைப் பாதுகாப்பது என்பது, உலகச் சுற்றுச்சூழலை வலுப்படுத்துவதில் முக்கிய முன்னெடுப்பு என்பதில் சந்தேகமில்லை. கல்வி, குடும்பக் கட்டுப்பாடு, ஊட்டச்சத்து, ஊழலுக்கு எதிரான போராட்டம் ஆகியவற்றின் மூலம் பசுமை பட்டை அமைப்பு அடித்தட்டு மக்களுக்கு உதவும் வளர்ச்சிக்கான சூழ்நிலையை உருவாக்கியது.

1980களில் பெண்களுக்கான தேசியக் கவுன்சிலின் தலைவியாக மாத்தாய் பதவியேற்றார். மரம் நடுவது, பெண்களுக்கான அரசியல் பிரசாரத்தில் அவர் பெற்ற வெற்றிகள், கென்ய ஆட்சியில் இருந்தவர்களுக்குப் பிரச்சினையை ஏற்படுத்தின. பின்னர் ஜனநாயக ஆதரவு இயக்கத்தின் தலைவர்களுள் ஒருவராக அவர் மாறினார். நைரோபியில் உள்ள ஒரே பூங்காவான உஹுரு பூங்காவை அழித்து 62 அடுக்குகள் கொண்ட கட்டடத்தைக் கட்ட கென்ய அரசு நினைத்தபோது, மாத்தாய் நடத்திய போராட்டத்தால் அந்தத் திட்டம் கைவிடப்பட்டது.

இப்படி அவருடைய முயற்சிகள் சுற்றுச்சூழல், ஜனநாயகம், பெண் உரிமைக்கான போராட்டங்கள் அனைத்தும் ஒரே தளத்துக்கு வந்தன. பல்வேறு சமூக முன்னெடுப்புகளுக்கு எதிராக மாத்தாய் சித்திரவதைக்கு ஆளாக வேண்டியிருந்தது. அவர் மீண்டும் மீண்டும் சிறையில் அடைக்கப்பட்டார்; கண்ணீர் புகைக்குண்டாலும், தடியாலும் தாக்கப்பட்டார். அரசுக்கு இக்கட்டுகளை ஏற்படுத்தும் அந்தப் பெண்ணை அடக்குவதில் அரசாங்கம் பெரிய வெற்றியைப் பெற முடியவில்லை.

சர்வதேச அளவில் மாத்தாய் பிரபலமடைந்தார், தன்னுடைய பணிகளுக்காகப் பல பரிசுகளைப் பெற்றார். 1978ஆம் ஆண்டிலிருந்து கென்யாவில் சர்வாதிகார ஆட்சி நடத்திவந்த டேனியல் அரப் மோய் 2002ஆம் ஆண்டில் பதவி விலகிய பிறகு நடைபெற்ற தேர்தலில், நாடாளுமன்றத்துக்கு மாத்தாய் தேர்ந்தெடுக்கப்பட்டார். 2003-ம் ஆண்டில் பல்வேறு கட்சிகளின் கூட்டணி ஆட்சியைக் கைப்பற்றியது. அந்த ஆட்சியில் சுற்றுச்சூழல், இயற்கை வளங்கள், காட்டுயிருக்கான இணை அமைச்சராக மாத்தாய் நியமிக்கப்பட்டார்.

ஜனநாயகம், மனித உரிமை, டேனியல் அரப் மோய் ஆட்சியின் கீழ் பெண் உரிமைக்காகக் குரல் கொடுத்தவர்களில் வங்காரி மாத்தாய் முன்னணியில் இருந்தாலும், அவருடைய சுற்றுச்சூழல் சேவையைக் கணக்கில்கொண்டு, சுற்றுச்சூழல் சேவையும் உலக அமைதிக்குப் பங்களிக்கிறது என்பதை அங்கீகரிக்கும் வகையில் முதன்முறையாக நோபல் அமைதிப் பரிசு அவருக்கு வழங்கப்பட்டது. 

இதன்மூலம் நோபல் அமைதிப் பரிசைப் பெற்ற முதல் ஆப்பிரிக்கப் பெண் என்ற கௌரவத்தையும் அவர் பெற்றார்.

நன்றி: தி இந்து

குவாட்டரை விரும்பி சுவைக்கும் கொசுக்கள்!

நான் சிறு வயதாக இருந்தபோதெல்லாம் கொசு என்றொரு உயிரினத்தை எங்கள் ஊரில் உண்மையிலேயே பார்த்ததில்லை. 

ஆனாலும் நெல்லை போன்ற நகரங்களுக்கு செல்கையில் அங்கு அப்பொழுதே mosquito bat (விளக்குமாறு) சிலர் கொசுக்களை விரட்ட உபயோகிப்பதைப் பார்த்திருக்கிறேன். 

ஆனால் இப்போது பாரபட்சமின்றி அனைத்து இடங்களிலும் கொசுக்கள் தங்கள் கைவரிசையைக் காண்பித்து வருகின்றன. 

பொதுவாக கொசுக்கள் சில குறிப்பிட்ட வகையினரை மட்டும் அதிகமாக தாக்குவதாக ஆராய்ச்சி முடிவுகள் தெரிவிக்கின்றன (எதிர்க்கட்சி சதியெல்லாம் இல்லை) இப்போது கொசுக்களின் தாக்குதலுக்கு அதிகம் ஆட்படும் ஐந்து பிரிவினரை பார்ப்போம்.

1)  மது அருந்துபவர்கள் :

வாய்யா வாய்யா என் டாஸ்மாக் தங்கம். 2011 ல் நடத்தப்பட்ட ஒரு பிரெஞ்சு ஆய்வின்படி மது அருந்துபவர்கள் இரத்தத்தை கொசுக்கள் மிகவும் விரும்பி குடிக்கிறதாம். மது அருந்தாதவர்களை விட மது அருந்துபவர்கள் 30% அதிகம்  கொசுக்களின் தாக்குதலுக்கு உள்ளாகிறார்களாம். 

2) குண்டாக இருப்பவர்கள்:

கொசுக்களின் அடுத்த இலக்கு கொளுத்த சரீரம் உடையவர்கள் . கொசுக்களுக்கு எப்பொழுதுமே கார்பன் டை ஆக்சைடு மீது ஒரு ஈர்ப்பு உண்டு . கொளுத்த சரீரம் உடையவர்கள் மீதிருந்து வெளியாகும் அதிகப்படியான உஷ்ணம் மற்றும் கார்பன் டை ஆக்சைடு கொசுக்களை அதிகம் ஏற்பதாக Annals of Internal Medicine என்ற நிறுவனத்தின் ஆராய்ச்சி தெரிவிக்கிறது.

3) உடற்பயிற்சி செய்பவர்கள்:

"இது என்னடா கொடுமையா இருக்குது" என்று நாம் நினைக்கலாம். நல்ல உடற்பயிற்சி செய்பவர்கள் உடலிலுள்ள வெப்ப ஈர்ப்பு, அவர்கள் உடலில் இருந்து வெளியாகும் அதிகப்படியான கார்பன் டை ஆக்சைடு மற்றும் அவர்கள் உடலிலுள்ள  லாக்டிக் அமிலம் போன்ற வேதிப்பொருட்கள் உடற்பயிற்சி செய்பவர்களை கொசுக்களுக்கு அடையாளம் காட்டுவதாக Susan Paskewitz என்ற அமெரிக்க ஆராய்ச்சியாளர் தெரிவிக்கிறார்.

4) இரத்த வகைகள்:

பிளட் குரூப்பை நாமெல்லாம் எவ்வளவு கஷ்டப்பட்டு கண்டு பிடிக்கிறோம். ஆனால் கொசுக்கள் எப்படித்தான் கண்டுபிடிக்கிறதோ தெரியவில்லை . 83% கொசுக்கள் "O " குரூப் இரத்தம் இருப்பவர்களைக் கண்டால் அங்கிருந்து நகராது  என்று கூறுகிறது ஆராய்ச்சி முடிவு. எப்படித்தான் கண்டு பிடிக்கிறதோ தெரியவில்லை.

5) கர்ப்பிணிப் பெண்கள் : 

அட கொசுக்களே உங்களுக்கு இரக்கமே இல்லையா . கர்ப்பிணிப் பெண்களிடமிருந்து வெளியாகும் அதிகப்படியான கார்பன் டை ஆக்சைடு மற்றும் அவர்கள் வயிற்றுப்பகுதியிலுள்ள அதிகப்படியான உஷ்ணம் கொசுக்களை அதிகம் ஈர்க்கின்றதாம். சாதாரண பெண்களை விட கர்பிணிப் பெண்கள் இருமடங்கு அதிகம் கொசுக்களின் தாக்குதலுக்கு உள்ளாவதாகக் கூறுகிறார்கள் ஆராய்ச்சியாளர்கள். 

நன்றி: The Week

21 ஆம் நூற்றாண்டின் சிரவணன் !

சிரவணனின் கதையை நாம் பலரும் அறிந்திருப்போம்.தாய், தந்தை பாசத்திற்கு இலக்கணமாக வாழ்ந்தவன் சிரவணன்.வயதான பார்வையற்ற தனது தாய் தந்தையரை தொட்டிலில் வைத்து தோளில் சுமந்தான் சிரவணன்.

ஆனால் இப்போது அதற்கு நேர் மாறாகத்தான் அனேக இடங்களில் நடக்கிறது.வயதான பெற்றோர்களை பலர் முதியோர் இல்லங்களில் சேர்த்துவிடுகின்றனர்.பல பெற்றோர்கள் பிள்ளைகளை வசதியாக வாழ வைத்துவிட்டு தங்கள் வாழ்கையை நரகமாக கழித்துக் கொண்டிருக்கின்றனர்.

ஆனால் இன்றும் தனது தாயை தோளில் சுமக்கும் ஒரு மகன் இருக்கிறான் என்றால் நம்ப முடிகிறதா.இவர் பெயர் பல்வீந்தர்சிங் . இவரது தாய்க்கு பார்வை போய்விட்டது.கடந்த இரண்டரை வருடங்களாக இவர் தனது தாயை தோளில்  சுமந்து பல்வேறு புனிதத் தலங்களுக்கு அழைத்து சென்று வருகிறார்.21 ஆம் நூற்றாண்டிலும் இப்படி ஒரு மனிதன் வாழ்வது அதிசயமாகத்தானே உள்ளது.

பெற்றோர்களை சுமக்காவிட்டாலும் பரவாயில்லை அவர்களுக்கு சுமை ஏற்படுத்தாமலாவது   நாம் வாழலாமே.

இப்படியும் ஒரு மாமனிதர்!

கோவை ம.யோகநாதன். 

 

கோவையை சேர்ந்த பேருந்து நடத்துனரான இவர் கடந்த 25 வருடங்களில் ஒரு லட்சம் மரங்கள் நட்டு சாதனை தமிழராக வலம் வருகிறார். 

 

 

இவரின் சொந்த ஊர் மயிலாடுதுறை. கோவை அரசு போக்குவரத்து கழகத்தில் நடத்துனராக பணியாற்றி வருகிறார் . 

 

மரக் கன்றுகளை நடுவதொடு விட்டுவிடாமல் ஒரு ஆண்டுவரை மரங்களை பாதுகாத்து, பராமரிக்கும் விதத்தையும் சொல்லி கொடுக்கிறார். சுதேசியாக வாழும் இவர் வெளிநாட்டு மரக் கன்றுகளை தொடுவதில்லை என்பதில் வைராக்கியம் உள்ளவர். தனது வருமானத்தில் பெரும் பகுதியை இந்த பசுமை வேள்விக்கே செலவிடுகிறார். மரம் வெட்டும் கொடுமையை எதிர்த்து பல போராட்டங்கள் நடத்தியுள்ளார்.

வார விடுமுறையான ஒவ்வொரு திங்கட்கிழமையும் பள்ளி மற்றும் கல்லூரிகளில் புகைப்படக்காட்சி(Slide Show) நடத்தி விழிப்புணர்வு புரட்சி செய்து வருகிறார். 

 

இதுவரை 3000 பள்ளிகளுக்கு மேல் விஞ்ஞான விளக்கப் படக் காட்சி நடத்தி இருக்கிறார். 

 

 

இவரின் இந்த சேவைக்காக, தமிழக அரசு, 2008ல் "சுற்றுச்சூழல் செயல் வீரர் விருது" , குடியரசு துணைத் தலைவரிடமிருந்து, 2010ல் "பசுமைப் போராளி விருது", "சிறந்த சுற்றுச்சூழல் ஆர்வலர் விருது' உள்ளிட்ட பல்வேறு விருதுகளை பெற்றுள்ளார்.

ஒவ்வொரு மாணவரும், தன் பிறந்த நாளன்று, ஒரு மரக்கன்றை நட்டு, பராமரித்து வளர்த்து வரும் வகையில், "உயிர் வாழ ஒரு மரம்'”என்ற திட்டத்தை உருவாக்கி, இதுவரை 15 ஆயிரத்துக்கும் மேலான பள்ளி, கல்லூரி மாணவர்களை சேர்ந்துள்ளார். 

 

 

இவரின் சேவையை கண்டு வெளிநாட்டவர் ஒருவர் இவருக்காக ஒரு இணையதளம்  இலவசமாக அமைத்து தந்திருக்கிறார்.

 

தகவல் உதவி: திரு சண்முக சுந்தரம்-முகநூல் 

படங்கள் உதவி: கூகுள் 

தொட்டுவிடும் தூரத்தில் சூரிய மின்சாரம் !

விழிக்குமா தமிழக அரசு

நன்றி: ஜூனியர் விகடன்

குளிர்ச்சியான சூரியச் செய்தி இது! 

குஜராத்தில் நர்மதா நதியின் கிளைக் கால்வாய்த் தண்ணீர் ஆவியாகி வீணாவதைத் தடுக்கவும், அதே நேரம் சூரிய ஒளியைப் பயன்படுத்தி மின்சாரத்தைத் தயாரிக்கவும் புதுமையான திட்டம் ஒன்றை அறிமுகப்படுத்தி, நாட்டையே திரும்பிப் பார்க்க வைத்திருக்கிறார் நரேந்திர மோடி.

வழக்கமாக சூரிய மின்சாரம் பெறுவதற்கான போட்டோ​வோல்டிக் தகடுகளைப் பொருத்துவதற்கு நிறையவே இடம் தேவைப்படும். இந்த நிலப் பற்றாக்குறையைத் தவிர்ப்பதற்காகத்தான், கால்வாயின் மீது தகடுகளை அமைத்​திருக்​கிறது குஜராத் அரசு. முதல் கட்டமாக 750 கி.மீ தூரத்துக்கு நீண்டு இருக்கும் சானந்த் - கடி நர்மதா கிளைக் கால்வாயின் மீது 'சோலார் பேனல்’ எனும் போட்டோவோல்டிக் தகடுகளை வைத்து, அதில் இருந்து வருடத்துக்கு சுமார் 16 லட்சம் யூனிட் மின்சாரம் தயாரிப்பது​தான் திட்டம். நிலத்தில் வைக்கப்படும் சோலார் பேனல் மூலம் கிடைக்கும் மின்சாரத்தைவிட, 15 சதவிகிதம் கூடுதல் மின்சாரம் கால்வாயின் மீது வைக்கப்படும் சோலார் பேனல் மூலம் கிடைக்கும் என்கிறார்கள் நிபுணர்கள்.

இந்தத் திட்டத்துக்காக அந்த நதியில் இருந்து பிரியும் மொத்தக் கால்வாய்களையும் பயன்படுத்த யோசித்து வருகிறது குஜராத். அவற்றின் நீளம் 85,000 கி.மீ.

இதில் 10 சதவிகிதத் தூரத்தை மட்டும் பயன்படுத்தினாலே, 2,200 மெகா வாட் மின்சாரம் தயாரிக்க முடியும். இதன் மூலம் 11,000 ஏக்கர் நிலப்பகுதி காப்பாற்றப்படும். மேலும் நீர் ஆவியாவது தடுக்கப்படுவதன் காரணமாக, வருடத்துக்கு சுமார் 2,000 கோடி லிட்டர் நீர் சேமிக்கப்படும். 

இந்தத் திட்டங்களை இன்னும் செறிவூட்டுவதற்காக, அந்த மாநிலத்தின் நிபுணர்களையும், பொறியியல் மாணவர்களையும் ஆய்வுகள் மேற்கொள்ளக் கேட்டுள்ளார் மோடி.

25 வருடங்களாக சூரிய சக்தி மின்சாரம் பற்றி ஆய்வு செய்து வருபவர் கோவையைச் சேர்ந்த உதய​குமார். அவரிடம் இதுபற்றிக் கேட்டோம்.

''2001-க்குப் பிறகுதான் நாம் சூரிய சக்தி மின்சாரம் பற்றி யோசிக்க ஆரம்பித்து இருக்கிறோம். பல நாடுகளில் முன்னரே பயன்படுத்தத் தொடங்கி விட்​டார்கள். ஜெர்மனியின் 'கிரீன் பார்ட்டி’ கட்சியின் நாடாளுமன்ற உறுப்பினரான ஹான்ஸ் ஜோசப் ஃபெல் என்பவர்தான், சூரிய சக்தி மூலம் மின்சார உற்பத்தி என்ற மசோதாவை 1992-ல் நாடாளுமன்றத்தில் தாக்கல் செய்தார்.

அரசோ, தனிநபரோ இந்தச் சூரிய சக்தி மின்சாரத்​தில் செலுத்தும் முதலீடு என்பது நீண்ட காலப் பயன்பாட்டுக்கான முதலீடாக இருக்கும். ஒரு முறை நீங்கள் சோலார் பேனல் அமைத்து விட்டால், அது 25 ஆண்டுகளுக்குக் குறையாமல் மின்​சாரத்தை உற்பத்தி செய்து தரும். மேலும், மூலப்பொருள் தீர்ந்து​போகும் என்ற அச்சமே இல்லை. தமிழகத்தில் 'இர்ரேடியேஷன்’ எனப்​படும் சூரியக் கதிர்களை வைத்து வருடத்துக்கு 15 லட்சம் யூனிட் மின்சாரம் தயாரிக்க முடியும். சூரியக் கதிர்கள் அவ்வளவாக இல்லாத ஜெர்​மனி​யில்​​கூட ஒன்பது லட்சம் யூனிட் மின்சாரம் தயாரிக்க முடிகிறது.

சூரிய சக்தி மின்சாரத்துக்குத் தேவையான சந்தை இருக்கவே செய்கிறது. ஜவஹர்லால் நேரு தேசிய சூரிய சக்தி மின்சாரத் திட்டத்தின் ஓர் அங்கமான 'என்.டி.பி.சி. வித்யுத் வியாபர் நிகாம் லிமிடெட்’ எனும் அமைப்பு, ஐந்து மெகா வாட், 10 மெகா வாட் அளவுக்கு மட்டுமே சூரிய சக்தி மின்சாரத்தை உற்பத்தி செய்தால்கூட, அதைக் கொள்முதல் செய்துகொள்ளும். மேலும், தமிழ்நாடு எரிசக்தி மேம்பாட்டு முகமை போன்ற சில அமைப்புகள், நீங்கள் தயாரிக்கும் ஒவ்வொரு 1,000 கிலோ வாட் மின்சாரத்துக்கும் ஒரு சான்றிதழ் தருவார்கள். இதுபோன்று 10 சான்றிதழ்களைப் பெற்றால், அதனை 'டிரேடிங்’ நடக்கும் நாளில் அப்போதைய சந்தை விலைக்கு, வளர்ந்த நாடுகளிடம் விற்று காசாக்கிக் கொள்ளலாம்.

இன்று புதிதாக வீடு கட்டும்போது கூடுதலாக 50,000 ரூபாய் மட்டும் செலவழித்தால், சூரிய சக்தி மின்சாரம் தயாரிப்பதற்கான வசதியைச் செய்துகொள்ள முடியும்.  தனி நபர்கள் பெருமளவில் சூரிய சக்தி மின்சாரத்தில் இறங்கினால்தான் அரசின் சுமையும் குறையும்'' என்றார்.

நாட்டின் பல்வேறு தொழிற்சாலைகள், கல்லூரிகள், மருத்துவமனைகளுக்கு சூரிய சக்தி மூலம் மின்சாரம் பெறுவதற்கான கட்டமைப்புகளை உருவாக்கிக் கொடுக்கும் பணியில் இருக்கிறார், 'சொலாரிஸ் எனர்ஜி சொல்யூஷன்ஸ்’ நிறுவனத்தைச் சேர்ந்த சிக்கந்தர் அமீன். ''சூரிய சக்தி மூலம் பெறக்கூடிய மின்சாரத்தை நாம் இரண்டு வகையாகப் பயன்படுத்தலாம். ஒன்று ஆன் கிரிட், இன்னொன்று ஆஃப் கிரிட்.

சூரிய ஒளியில் இருந்து டைரக்ட் கரன்ட் எனும் டி.சி. எடுக்கப்படுகிறது. அந்த மின்சாரம் பேட்டரிக்குக் கொண்டு​செல்லப்படும். பகல் முழுவதும் மின்சாரத்தைச் சேமித்துக்கொள்ளும் பேட்டரியில் இருந்து, மின்சாரம் இன்வெர்ட்டருக்குப் போகும். பேட்டரியில் இருக்கும் டி.சி. மின்சாரம், இன்வெர்ட்டர் மூலம் ஏ.சி. எனப்படும் ஆல்டர்நேடிவ் கரன்ட் ஆக மாற்றப்படும். அந்த மின்சாரம் இன்வெர்ட்டரில் இருந்து லோடு என்று சொல்லப்படுகிற டி.வி., மின் விசிறி, மின் விளக்குகள் ஆகியவற்றுக்குச் செல்லும். இந்த முறை ஆஃப் கிரிட் என்று சொல்லப்படும். அதாவது, நீங்களே மின்சாரத்தை உற்பத்தி செய்து நீங்களே பயன்படுத்துகிறீர்கள். இதில் தமிழ்நாடு மின்சார வாரியத்துக்கும் உங்களுக்கும் எந்தத் தொடர்பும் இல்லை.

அதே சூரிய ஒளியானது அதில் இருந்து பெறப்படுகிற டி.சி., இன்வெர்ட்டருக்குச் செல்லும். அதில் இருந்து கிரிட்டுக்குச் செல்லும். இதில் பேட்டரி கிடையாது. இந்த முறை ஆன் கிரிட் என்று சொல்லப்படும். அதாவது, இதில் நீங்கள் தயாரிக்கிற மின்சாரத்தை கிரிட்டுக்கு வழங்குகிறீர்கள். இதன் மூலம் மின்சாரத்தை மின் வாரியத்துக்கு விற்க முடியும். பெரும்பாலான மேலை நாடுகளில், இந்த ஆன் கிரிட் முறை புழக்கத்தில் உள்ளது. நீங்கள் உற்பத்தி செய்து தருகிற மின்சாரத்தை அரசு விலை கொடுத்து வாங்கும். தமிழகத்தில் இதற்கான கொள்கைகளை அரசு ஏற்படுத்த வேண்டும். அதையும் உடனடியாகச் செய்தாக வேண்டும்.

'சோலார் பவர்’ என்றதும் மக்கள் தயங்குவதற்குக் காரணம், அதனுடைய விலைதான். ஏனென்றால் ஒரு வீட்டுக்கு சுமார் 650 வாட்ஸ் மின்சாரம் தேவைப்படுகிற லோடு இருக்கிறது என்றால் (அதாவது ஒரு டி.வி., இரண்டு ஃபேன், நான்கு ட்யூப் லைட்), அதற்கான இன்வெர்ட்டர், பேட்டரி ஆகியவற்றோடு சூரிய ஒளி மின்சாரம் தயாரிக்க ஆகும் செலவு கிட்டத்தட்ட 80,000 ரூபாய். இந்த சோலார் பேனல் 20 வருட காலத்துக்கு உழைக்கக்கூடியது. பேட்டரியும் இன்வெர்ட்டரும் ஐந்து அல்லது ஆறு வருடங்கள் வரை உழைக்கும். இதற்கு நீங்கள் செலவழிக்கிற தொகையை இரண்டு வருடங்களில் மீட்டுவிடலாம்.இவை எல்லாவற்றுக்கும் மேலாக தேசிய சூரிய ஒளி மின்சாரத் திட்டத்தை முழுமையாகச் செயல்படுத்தி மானியங்கள், கடன்கள் ஆகியவற்றை அரசு வழங்க வேண்டும்'' என்கிறார் சிக்கந்தர் அமீன்.

பூவுலகின் நண்பர்கள் அமைப்பைச் சேர்ந்த சுந்தர்ராஜனிடம் பேசியபோது, ''தமிழகக் கால்வாய்களின் மீது சோலார் பேனல் வைத்து நம்மாலும் சூரிய சக்தி மின்சாரம் தயாரிக்க முடியும். இதைப் பரந்துபட்ட மின்சார உற்பத்தி என்று சொல்லலாம். அதாவது, ஒரு பகுதியில் உற்பத்தி செய்யப்படும் மின்சா​ரத்தை அங்கேயே பயன்படுத்த வேண்டும். இந்தியாவில் மேற்கு மண்டலம் மற்றும் தென் மண்டலம் ஆகியவை சோலார் இன்சோ​லேஷன் மண்டலங்களாக இருக்கின்றன. இந்த மண்டலங்களில் ஒரு வருடத்தில் சுமார் 300 நாட்கள் சூரிய வெளிச்சம் அபரிமிதமாகக் கிடைக்கிறது என்பதுதான் இதன் பொருள். இங்கே ஒரு சதுர கிலோ மீட்டரில் ஆண்டுக்கு சுமார் 35 மெகா வாட் மின்சாரத்தைத் தயாரிக்கலாம்.

இந்திய அரசால் சில வருடங்களுக்கு முன் கொண்டுவரப்பட்ட ஜவஹர்லால் நேரு தேசிய சூரிய சக்தி மின்சாரத் திட்டத்தில் 2020-ல் 20,000 மெகா வாட் மின்சாரம் தயாரிக்க இலக்கு நிர்ணயிக்கப்பட்டது. இதில் 4,000 மெகா வாட் மின்சாரம் உற்பத்தி செய்து விட்டோம். ஆனால், 1960-களில் ஆரம்பிக்கப்பட்ட அணு மின் நிலையங்கள் இத்தனை வருடங்கள் கழித்து இப்போதுதான் 4,000 மெகா வாட் மின்சார உற்பத்தியை நெருங்கிக் கொண்டு இருக்கின்றன.  

இன்னும் சில மாதங்களில், புதுப்பிக்கத்தக்க கொள்முதல் பொறுப்பு என்ற ஒரு சட்டம் வர இருக்கிறது. அதன் மூலம் ஒவ்வொரு மாநிலமும் தனது மின்சார உற்பத்தியில் 10 சதவிகிதம் புதுப்பிக்கத்தக்க மரபுசாரா எரிசக்தி கொண்டு மின்சார உற்பத்தி செய்ய வேண்டும். இவை தவிர, தொழில் முனைவோர்களை சூரிய சக்தி மின்சாரம் தயாரிக்க ஊக்கப்படுத்துதல், அரசு தனியார் கூட்டாண்மை மூலம் இந்தத் திட்டங்களை விரிவாக்கச் செய்தல் என்று சூரிய சக்தி மின்சாரம் தொடர்பாகக் கொள்கைகளை மாநில அரசு ஏற்படுத்த வேண்டும்'' என்கிறார் சுந்தர்ராஜன்.

தமிழகத்தை சூரிய மின்சார மாநிலமாக மாற்றுவதில் மோடியைத் தாண்டியும் அதிரடியாகச் செயல்பட ஜெயலலிதாவால் முடியும். செய்வார் என்றே நம்புவோம்.

தமிழக சுற்றுலா தலங்களை 36ஂ ல் பார்வையிட ஒரு தளம்!

சுற்றுலா செல்வதை விரும்புபவர்கள் அதிகம்.இன்னல்கள் நிறைந்த வாழ்கையில் சற்று ஆறுதல் அடைய சுற்றுலா மிகவும் உபயோகமாக இருக்கிறது .

தற்போது வளர்ந்துள்ள தொழில் நுட்பங்கள் காரணமாக இனி செலவில்லாமலேயே சுற்றுலா செல்ல முடியும் போல் தோன்றுகிறது . அகலப் பரப்பு காட்சி (பனோரமா ) படங்கள் மூலமாக வெளி இடங்களை நேரில் சென்று பார்க்கும் உணர்வுடன் பார்க்க முடிகிறது.

தமிழக அரசின் சுற்றுலா துறையின் இணைய தளத்தில் தமிழக சுற்றுலா தளங்கள் சிலவற்றை 36ஂ ல் பார்வையிட வசதி ஏற்படுத்தப்பட்டுள்ளது.இதன் மூலமாக அந்தந்த சுற்றுலா தளங்களுக்கு செல்ல வாய்ப்பில்லாதவர்களும் , அத்தலங்கள் எப்படி இருக்கும் என அறிய விரும்புபவர்களும் பயன் பெறலாம் . 

கோவில்கள் ,தேவாலயங்கள், நீர்வீழ்ச்சிகள், கோடைவாசஸ்தலங்கள் இதில் இடம் பெற்றுள்ளன. 

தளத்தை பார்வையிட இங்கே கிளிக் செய்யவும். 

டிஸ்கி : குறைவான இணைய வேகம் உள்ளவர்களின் பொறுமையை இது சற்று சோதிக்கும் !

இதையும் படிக்கலாமே ....

தமிழகத்தின் சுற்றுலா தலங்களின் முழு விபரம் அறிய ஒரு தளம் !

உலகின் அதிவேக இன்டர்நெட் இணைப்புள்ள 9 நாடுகள்!

நன்றி :huffingtonpost 

இணைய பாவனையாளர்களுக்கு மிகவும் தேவையானது அதிவேக இணைய இணைப்பு .மந்தமான இணைய வேகம் இணைய பாவனையாளர்களை மன உளைச்சலுக்கு உள்ளாக்கக்கூடியது .இப்போது உலகிலேயே அதிவேக இன்டர்நெட் இணைப்புகளைக் கொண்ட 9  நாடுகளைப் பார்க்கலாம் .

9  வது இடம் : பெல்ஜியம் 

இணைய வேகத்தில்    பெல்ஜியம் நாடு ஒன்பதாவது இடத்தைப் பிடித்துள்ளது .இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 6 .4  Mbps.

8  வது இடம் : ருமேனியா

இணைய வேகத்தில்    ருமேனியா  நாடு எட்டாவது  இடத்தைப் பிடித்துள்ளது .இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 6 .8  Mbps.

7  வது இடம் : சுவிட்சர்லாந்து 

 

இணைய வேகத்தில்    சுவிட்சர்லாந்து  நாடு ஏழாவது  இடத்தைப் பிடித்துள்ளது. இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 7 .3  Mbps.

6  வது இடம் : செக் குடியரசு 

இணைய வேகத்தில்    செக் குடியரசு  நாடு ஆறாவது  இடத்தைப் பிடித்துள்ளது .இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 7 .4  Mbps.

5  வது இடம் : லாட்வியா 

இணைய  வேகத்தில்     லாட்வியா   நாடு  ஐந்தாவது  இடத்தைப் பிடித்துள்ளது .இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 8 .2  Mbps.

4  வது இடம் : நெதர்லாந்து 

இணைய வேகத்தில்    நெதர்லாந்து  நாடு நான்காவது  இடத்தைப் பிடித்துள்ளது. இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 8 .5  Mbps.

3  வது இடம் : ஜப்பான்

 

இணைய  வேகத்தில்     ஜப்பான்  நாடு  மூன்றாவது   இடத்தைப்   பிடித்துள்ளது .இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 8 .9  Mbps.

2  வது இடம் : ஹாங்காங் 

இணைய வேகத்தில்    ஹாங்காங் நாடு இரண்டாவது  இடத்தைப் பிடித்துள்ளது. இந்நாட்டிலுள்ள மொத்த இன்டர்நெட் இணைப்புகளின் சராசரி வேகம் 10 .3  Mbps.

1  வது இடம் : தென் கொரியா 

இணைய வேகத்தில்    தென் கொரியா  முதல்  இடத்தைப் பிடித்துள்ளது. இந்நாட்டிலுள்ள     மொத்த   இன்டர்நெட்  இணைப்புகளின்  சராசரி  வேகம்           13.8  Mbps.



நீங்கள் மனதிற்குள் ஏதோ ஒன்று நினைப்பது தெரிகிறது .இந்தியா இதில் எத்தனையாவது இடம் என்றுதானே .ராஜா வெளியே வரட்டும் கேட்கலாம்.

உலகின் மிகப் பெரி .....ய்ய்ய சுனாமி

இயற்கை சீற்றங்களில் தற்போது மக்களை மிகவும் அச்சுறுத்தி வருவது சுனாமி என்றழைக்கப் படும் ஆழிப் பேரலை .உலகில் பல்வேறு பகுதிகளை தாக்கிய சுனாமிகளில் குறிப்பிடத்தக்க சிலவற்றை பார்ப்போம் 

1 ) ஜப்பான் 

1983 ல் ஜப்பானின் நோஷிரோ கரையை சுனாமி தாக்கியது .அலையின் உயரம் அதிக பட்சமாக 10  மீட்டர் வரை இருந்தது . 

2 ) சாலமன் தீவு  

2007 ல்  சாலமன் தீவுகளை  சுனாமி தாக்கியது .அலையின் உயரம் அதிக பட்சமாக 12  மீட்டர் வரை இருந்தது .

3 ) சாமொவா தீவு  

2009 ல் சாமொவா தீவை  சுனாமி தாக்கியது .அலையின் உயரம் அதிக பட்சமாக 14  மீட்டர் வரை இருந்தது

4 ) பாப்புவா நியூ கினியா   

1998 ல் பாப்புவா நியூ கினியாவை  சுனாமி தாக்கியது .அலையின் உயரம் அதிக பட்சமாக 15  மீட்டர் வரை இருந்தது.

5 ) சிலி    

1960 ல் சிலி நாட்டிலுள்ள வால்டிவியா என்னுமிடத்தை   சுனாமி தாக்கியது .அலையின் உயரம் அதிக பட்சமாக 25  மீட்டர் வரை இருந்தது.

6 ) அமெரிக்கா    

1964 ல் அமெரிக்காவின் அலாஸ்க்காவை   சுனாமி தாக்கியது .அலையின் உயரம் அதிக பட்சமாக 30  மீட்டர் வரை இருந்தது.

7 ) இந்தோனேஷியா     

2004 ல் இந்தோனேஷியாவில் ஏற்பட்ட நில நடுக்கம் காரணமாக  சுனாமி தாக்கியது .அலையின் உயரம் அதிக பட்சமாக 30  மீட்டர் வரை இருந்தது.இது வரை தாக்கிய சுனாமிகளில் அதிக உயிர்களை பலி கொண்ட சுனாமி இதுதான் .

8 ) ஜப்பான்    

11 -3 -2011 ல் ஜப்பானை    சுனாமி தாக்கியது .அலையின் உயரம் அதிக பட்சமாக 30  மீட்டர் வரை இருந்தது.

9 ) ஜப்பான்    

1993 ல் ஜப்பானின் ஹோக்கைடோவை     சுனாமி தாக்கியது .அலையின் உயரம் அதிக பட்சமாக 31  மீட்டர் வரை இருந்தது.

10 ) அமெரிக்கா     

1958 ல் அமெரிக்காவிலுள்ள லித்துயா கடலில் சுனாமி உருவானது .   உலகிலேயே மிகப் பெரிய்ய சுனாமி இதுதான் .இதனால் உருவான அலைகள்  520  மீட்டர் உயரம் வரை இருந்தன .நல்ல வேளையாக  இந்த சுனாமி தாகிய இடத்தில் அதிகம் மக்கள்  வசிக்கவில்லை .இந்த சுனாமி காரணமாக இரண்டுபேர் உயிரிழந்தனர் .

தகவல்கள் : விக்கிபீடியாவிலிருந்து 

படங்கள்  : கூகுளிலிருந்து

பிற்சேர்க்கை : 

அணுமின் நிலையங்களுக்கு அதிக ஆபத்தை விளைவிப்பவை சுனாமி அலைகள்தான் .தமிழ் நாட்டிலுள்ள கல்பாக்கம் அணுமின் நிலையம் கடல் மட்டத்திலிருந்து 7  மீட்டர் உயரத்திலும் கூடங்குளம் அணு மின் நிலையம் கடல் மட்டத்திலிருந்து 8  மீட்டர் உயரத்தில் மட்டுமே அமைந்துள்ளன .

மின்னல் வேக பூட்டிங் : விண்டோஸ் 8

மைக்ரோஃசாப்ட்  நிறுவனத்தின் விண்டோஸ் இயங்கு தளத்தின் அடுத்த பதிப்பான விண்டோஸ் 8 விரைவில் பயன்பாட்டுக்கு வரும் என எதிர் பார்க்கப் படுகிறது .

இதனிடையே அதுகுறித்த ஆச்சரியமூட்டும் தகவல்களும் வந்தவண்ணம் உள்ளது .அவற்றில் முக்கியமானது கணினி உபயோகிப்பாளர்களால் பெரிதும் எதிர் பார்க்கப் படும் அதிவிரைவான பூட்டிங் .

உலகப் பணக்காரர்களான மாப்பிள்ளை பெஞ்ச் மாணவர்கள் :வீடியோ

பொதுவாக பள்ளிக்கூடங்களில் சரியாக படிப்பு வராத மாணவர்களையும், சேட்டைகள் செய்யும் மாணவர்களையும் ஆசிரியர்கள் கடைசி பெஞ்சில் அமர வைப்பது வழக்கம் .

கடைசி பெஞ்சை மாப்பிள்ளை பெஞ்ச் என்றும் அழைப்பது உண்டு .ஆனால் பிற்காலங்களில் இந்த மாப்பிள்ளை பெஞ்ச் மாணவர்கள் பலர் வாழ்க்கையில் சிகரத்தைத் தொட்டு அவர்கள்  ஆசிரியர்களை வியப்பில் ஆழ்த்தியதுண்டு .

அவ்வாறு வியப்பில் ஆழ்த்திய மாணவர்களில் முக்கியமானவர்கள் காணொளியில் கண்டு மகிழுங்கள்  .

சர்வதேச விண்வெளி ஆய்வு மையத்திற்கு வாரீங்களா !

வாருங்கள் நண்பர்களே .இப்போது நான் சர்வதேச விண்வெளி ஆய்வு மையத்திற்கு அழைத்துச் செல்லப் போகிறேன் .விருப்பமுள்ளவர்கள் என்னுடன் வரலாம் .செலவு முற்றிலும் இலவசம் .

அட்லாண்டிஸ் விண்வெளி ஓடத்தில் ஏறிட்டோம்

அமெரிக்காவை ஃப்ரீயா சுத்திப் பார்க்க வாரீங்களா ?

அழைப்பை ஏற்று வருகை புரிந்தவர்களை வரவேற்கிறேன் .

சமீப காலமாக கூகுளின் 360 Degree Street Viewing மூலமாக உலகின் பல்வேறு நகரங்களையும் நேரில் பார்க்கும் உணர்வுடன் பார்க்க முடிகிறது .அந்த வகையில் இப்போது அமெரிக்காவிலுள்ள கலிபோர்னியா மாகாணத்தில் உள்ள சான் பிரான்சிஸ்கோ நகரத்திலுள்ள ஐந்து தெருக்களுக்கு தற்போது அழைத்துச் செல்லப் போகிறேன் .

ஆர்வமுள்ளவர்கள் என்னுடன் வாருங்கள் .சுற்றிப் பார்க்க ஒவ்வொரு தலைப்பையும் கிளிக்குங்கள் .

கட்டப் பட இருக்கும் உலகின் மிக உயர்ந்த கட்டிடம் : ருசிகர தகவல்கள் .

உலகின் மிக உயர்ந்த கட்டிடம் என்ற பெருமையை இது வரை துபாயில் அமைந்துள்ள புர்ஜ் கலிஃபா என்ற கட்டிடம் இது வரை தக்க வைத்துக் கொண்டுள்ளது .

ஆனால் அதன் பெருமை தற்போது முறியடிக்கப் பட உள்ளது .சவூதி அரேபியாவிலுள்ள ஜெட்டா நகரத்தில் 1000  மீட்டர் (1  கிலோ மீட்டர் ) உயரத்தில் கிங்டம் டவர் என்ற கட்டிடம் கட்ட வேலைகள் தொடங்கிவிட்டன .

உங்கள் உடலைப் பற்றி நீங்கள் இது வரை அறியாத 10 உண்மைகள் !

THANKS: MEN'S FITNESS

மனித உடலைப் பற்றி உலகம் முழுவதும் பல்வேறு நிபுணர்கள் ஆராய்ந்த  ஆராய்ச்சிகளின் சமீபத்திய முடிவுகள் இவை .

எச்சரிக்கை : நீங்கள் உளவு பார்க்கப் படுகிறீர்கள் !

உலகம் முழுவதும் குற்றங்கள் அதிகரித்து வருகின்றன .குற்றம் புரிபவர்கள் பல நவீன உக்திகளை கையாளுவதால் அவர்களை கண்டு பிடிக்கவும் பல நவீன வசதிகள் வந்துள்ளன .

இவற்றில் முக்கியமானவை இரகசிய கேமராக்கள் .

நல்ல காரியங்களுக்கு பயன்படும் இக்கேமரா சில தீயவர்களாலும் தவறாக பயன்படுத்தப்பட வாய்ப்புள்ளது .இது குறித்து எச்சரிக்கவே இப்பதிவு .

உலகிலேயே பெண்களுக்கு அதிக ஆபத்தான ஐந்து நாடுகள் !

என்று  ஒரு பெண் இரவில் தனியாக ஊருக்குள் நடமாட முடிகிறதோ அன்றுதான் நாட்டுக்கு உண்மையான சுதந்திரம் என்றார் தேசப்பிதா .

பெண் நல சிந்தனைகள் பேச்சில்தான் இருக்கிறது ,ஆனால் நாளுக்கு நாள் பெண்கள் உடல் ரீதியாகவும் மன ரீதியாகவும் கடும் இன்னல்களுக்கு உள்ளாகி வருகிறார்கள் .இந்நிலை  பல நாடுகளிலும் உள்ளது .

சமீபத்தில் போஸ்டன் நாளிதழில் உலகிலேயே பெண்களுக்கு அதிக தீங்கிழைக்கும் சில நாடுகளின் பட்டியல் வெளியானது .இப்போது அது உங்கள் பார்வைக்கு .

1 .ஆப்கானிஸ்தான்

பெண்களுக்கெதிராக அதிக வன்முறைகள் நிகழும் நாடு .மோசமான பொருளாதார சூழ் நிலைகள் சுகாதார சீர்கேடு போன்றவற்றால் இங்குள்ள பெண்கள் பெரிதும் பாதிக்கப்பட்டு வருகிறார்கள் .

2 .காங்கோ

உலகிலேயே பாலியல் வன்முறைகள் அதிகம் நிகழும் நாடு .ஒவ்வொரு வருடமும் 4  லட்சத்திற்கும் அதிகமான பெண்கள் பாலியல் வன்முறைக்கு உள்ளாகிறார்கள் .

3 .பாகிஸ்தான்

மத ரீதியான வன்முறைகள் ,திராவகம் வீச்சு பெண்கள் மீது நிகழ்த்தப்படுகிறது .குழந்தை திருமணங்கள் அதிகம் நிகழ்கின்றன .

4 .இந்தியா

பல்வேறு காரணங்களுக்காக பெண்கள் கடத்தப் படுகிறார்கள் .கடந்த நூற்றாண்டில்  பாலியல் தொழிலுக்காக மட்டும் 50  லட்சம் பெண்கள் கடத்தப்பட்டுள்ளார்கள் இவர்களில் 40  சதவீதம்பேர் பருவ வயதை எட்டாதவர்கள் என்பது இன்னும் வேதனையான விஷயம் .

5 .சோமாலியா

பெண்களுக்கெதிராக அதிக பாலியல் வன்முறைகள் நிகழ்கின்றன .பெண் கல்வி ,சுகாதாரம் மிகவும் குறைவாக உள்ள நாடு .

பெண்களுக்கெதிரான இந்த தீமைகள் குறைந்தால்தான் உலகம் செழிக்கும் .

பில் கேட்சின் ஐந்து ரகசியங்கள் :அவரே சொன்னது

பில் கேட்ஸ் சமீபத்தில் ஒரு ஆங்கில பத்திரிகைக்கு அளித்த பேட்டியில் தனது பெர்சனல் தகவல்களை வெளியிட்டுள்ளார் .அதில் குறிப்பிடத்தக்க ஐந்து தகவல்கள் .

ரகசியம் 1: அவருடைய மூன்று குழந்தைகள் தலா 15,12,9 வயதுடையவர்கள் .அடிக்கடி அவரை பார்த்து பில்லியனர் என்ற Travie McCoy ன் பாடலை பாடி கேலி செய்கிறார்களாம் .

அடிஷனல் ரகசியம்  : இதற்க்கு பதிலடியாக யாரை நம்பி நான் பொறந்தேன் போங்கடா போங்க என்ற பாடலை பாட பயிற்சி செய்து வருவதாக ஒரு தகவல் உள்ளது

ரகசியம் 2 : இது வரை பல்வேறு திட்டங்களுக்காக 12 ,000 கோடி ரூபாய் நன்கொடை வழங்கியுள்ளார்

அடிஷனல் ரகசியம்  : அடுத்த எலெக்ஷன்ல செலவழிக்க நன்கொடை குடுத்தா ஆட்சிக்கு  வந்ததும் அவருக்கு கவுரவ டாக்டர் பட்டமும் ,கலியுக கர்ணன் பட்டமும்  கொடுத்து  கவுரவிக்க விருப்பதாக தமிழகத்தின் முக்கிய அரசியல் கட்சி தலைவரின் வாரிசு தெரிவித்துள்ளார் .

ரகசியம் 3 : ஒரே ஒரு twitter  account  உள்ளது. இருக்கின்ற ஒரே ஒரு Facebook  account  ல் நண்பர் வேண்டுதல்கள் எல்லை மீறி போய்விட்டதால் சரியாக வேலை செய்வதில்லை

அடிஷனல் ரகசியம் : தமிழ் நாட்டில் ஈரோடு மாவட்டத்தில் வசிக்கும் ஒரு பதிவர் மட்டும் ஆயிரம் அழைப்புகளை அனுப்பி பில் கேட்சை வெறுப்படைய வைத்துவிட்டாராம்

ரகசியம் 4 : புற்று நோய்க்கு உதவ பல அமைப்புகள் இருப்பதால் மலேரியாவை ஒழிப்பதில் ஆர்வம் காட்டுகிறார்

அடிஷனல் ரகசியம் : மருத்துவக்காபீட்டுத் திட்டத்துக்கும் உதவ கேட்க அமெரிக்காவிற்கு விரைவில் அம்மா ஆள் அனுப்புள்ளதாக அம்மாவின் உண்மை விசுவாசி தெரிவித்துள்ளார்

ரகசியம் 5 : சில முக்கியமான நபர்கள் கூட நான் யார் என்பதை சரிவரத்தெரியாமல் இருக்கிறார்கள் .சமீபத்தில் இந்தியாவில் ஒரு முதலமைச்சர் தம்மை அவருடைய நண்பர்களுக்கு இவர் எனது வெள்ளை கார நண்பர் என்று மட்டும் சொல்லி அறிமுகப்படுத்தினாராம் .

அடிஷனல் ரகசியம் :குறிப்பிட்ட ஒரு ஒப்பந்தத்திற்கு கமிஷன் வழங்க மறுத்ததாலேயே அவரை அவ்வாறு கூற நேரிட்டது என்று அந்த முன்னாள் முதல்வரின் முன்னாள் உதவியாளர் தெரிவித்துள்ளார்

நன்றி :Mashable

இந்தியாவின் TOP 5 பணக்கார கோவில்கள்

சமீபத்தில் திருவனந்தபுரத்தில் உள்ள பத்மநாப சுவாமி கோவிலில் உள்ள பாதாள அறைகள் திறக்கப் பட்டு அங்கிருந்த கற்பனைக்கெட்டாத பொக்கிஷங்கள் இன்று உலகின் கவனத்தை தன் பக்கம் திருப்பியுள்ளது .

இந்தியாவிலுள்ள பணக்கார கோவில்கள் வரிசையில் முதல் 5  இடங்களை பிடித்திருக்கும் கோயில்களை பார்ப்போம் .

1.திருவனந்தபுரம் பத்மநாப சுவாமி கோவில் 

108  வைணவத் திருத்தலங்களில் ஒன்றான இக்கோவிலின் இன்றைய சொத்து மதிப்பு கிட்டத்தட்ட  2  லட்சம் கோடி .

2 .திருப்பதி வெங்கடேச பெருமாள் சுவாமி கோவில்

இக்கோவில் தனது கட்டிடத்திலேயே 1  டன் தங்கத்தை கொண்டுள்ளது.வருடத்திற்கு சராசரியாக 650  கோடிக்கு மேல் வருமானம் வருகிறது .தினமும் சராசரியாக 60000  பேர் சுவாமி தரிசனம் செய்ய வருகிறார்கள் .

3 .மகாராஷ்டிரா ஷிர்டி சாய்பாபா கோவில்

மும்பைக்கு அருகிலுள்ள இக்கோவிலில் 32  கோடி ரூபாய் அளவிற்கு தங்க நகைகள் உள்ளன .வருடத்திற்கு 350  கோடி அளவிற்கு வருமானம் உள்ளது

4 .மும்பை சித்தி விநாயகர் கோவில்

வருடத்திற்கு 48  கோடி ரூபாய் அளவிற்கு வருமானம் உள்ளது

5  .அமிர்தசரஸ் பொற்கோவில்

பஞ்சாபில் அமைந்துள்ள இக்கோவில் தங்கத்தால் கட்டப்பட்டுள்ளது.தினமும் 40000  பேர் தரிசனத்திற்கு வருகிறார்கள்