ஹிரோஷிமா மக்களுக்கு அஞ்சலி .

மனிதன் வாழ்கையில் மரணம் நிச்சயிக்கப்பட்டதுதான் .ஆனால் அணு அணுவாக சாவது என்பது நரகத்திற்கு ஒப்பானது .

அணு அணுவாக சாதல் என்ற வாக்கியமே அநேகமாக ஹிரோஷிமா சம்பவத்திற்கு பின்பாக தோன்றியதாக இருக்கலாம் .

இப்போது ஹிரோஷிமாவை ஏன் நினைவு படுத்துகிறேன் .இன்றுதான் ஹிரோஷிமா சோகம் நிகழ்ந்த தினம் .

1945  ம் ஆண்டு ஆகஸ்ட் மாதம் 6  ம் தேதி காலை 8.15 மணிக்கு லிட்டில் பாய் என்கின்ற அணு குண்டை அமெரிக்க ராணுவத்தினர் ஹிரோஷிமா நகரின் மீது வீசினார்கள் .அணு குண்டு விழுந்த மாத்திரத்தில் அங்கு வசித்த 80,000 மக்கள் கருகி உயிரிழந்தார்கள் .அதனால் காயமடைந்தவர்கள் ,கதிரியக்கத்தால் பாதிக்கப் பட்டவர்கள் என சுமார் ஒன்றரை லட்சம் பேர் அதே வருடத்தில் உயிரிழந்தனர் .

மேலு அணு அணுவாக சித்திர வதைக்குள்ளானோர் பல லட்சம் பேர் .உலகில் எந்த ஒரு நாடும் செய்ய வராத மூடத் தனத்தை செய்த ஒரே நாடு அமெரிக்காதான் .அதன் பிறகு அணு ஆயுதங்கள் பற்றிய விழிப்புணர்வு பல்வேறு நாடுகளுக்கும் வர ஆரம்பித்தது .அணு சக்தியை ஆக்கமாக பயன்படுத்த எண்ணி அணு உலைகள் அமைக்கப் பட்டன .ஆனால் இதிலும் பிரச்சனை வந்தது .

1986  ல் செர்னோபிலில் அணு உலை வெடித்துச் சிதறி மீண்டும் ஹிரோஷிமாவை நியாபகப் படுத்தியது .இதன் காரணமாகவும் ஆயிரக் கணக்கானோர் உயிரிழந்தனர் ,லட்சக்கணக்கானோர் கதிரியக்க பாதிப்பிற்கு உள்ளாகினர் .இதனை தொடர்ந்து அணு உலைகளை பாதுகாப்பாக வடிவமைப்பதில் உலக நாடுகள் கவனம் செலுத்தின .

இதிலும் இடி விழுத்தது மிகப் பாது காப்பானதாக வடிவமைக்கப் பட்ட  ஃபுகுஷிமா அணு உலைகள் இயற்கையின் தாக்குதலில் சின்னாபின்னமாகின .

இதைத் தொடர்ந்து பல நாடுகள் அணு உலைகள் ஆபத்தானவை என்றுணர்ந்து மின்சாரம் தயாரிக்க மாற்று வழிகளை தேடத் தொடங்கிவிட்டன .

இந்தியா உள்ளிட்ட ஒரு சில நாடுகள் மட்டும் அணு உலைகளை அமைக்க அதீத ஆர்வம் காட்டுகின்றன .

                                                         ஹிரோஷிமா நினைவிடம்

இன்றைய தினம் அணு குண்டுக்கு இரையான ஹிரோஷிமா மக்களுக்கு அஞ்சலி செலுத்துவதோடு அணுவற்ற அமைதியான உலகைப்படைக்க உறுதி ஏற்போம் .