நூறாவது பதிவுலக நண்பர் :நண்பேண்டா தொடர் பதிவு

பதிவுலகத்தில் எதேச்சையாக நுழைந்த எனக்கு இன்று ஒரு நம்ப முடியாத நாள் .   

நான் வெப்சைட் வைத்திருக்கிறேன் என்று நண்பர்களிடம் பீலா விடுவதற்காக ஆரம்பித்ததுதான் இந்த பிளாக் .

ஆரம்பித்து ஆறு மாதங்களில் வெறும் ஐந்து இடுகைகளை மட்டுமே இட்டேன் ...அதுவும் வெற்று இடுகைகள் .

நான் அதிகாரப்பூர்வமான ( ஹி..ஹி ...வேறு வார்த்தை தெரியவில்லை ) பதிவரானதற்கு காரணம்  ஜப்பான் பூகம்பம் .

ஆச்சரியமாக இருக்கிறதா ....உண்மைதான் .ஜப்பான் பூகம்பத்தால் ஏற்பட்ட சுனாமியால் அணு உலைகள் வெடித்து சிதறின .அதைத் தொடர்ந்து அணு உலைகள் உலகிற்கு அவசியமா என்னும் விவாதம் பதிவுலகில் நடமாடியது .

அணு உலைகளுக்கு எதிராக நடக்கும் போராட்டங்களில் அடிக்கடி பங்கு கொள்பவன் என்பதால் அது பற்றிய பிற பதிவர்களின் இடுகைகளில் எனது கருத்துக்களை கூறி வந்தேன் .

அப்போது ஒரு பதிவருக்கும் எனக்கும் கருத்து மோதல் வந்தது .மிகவும் மோசமான சூழ்நிலைகளில் மட்டும் கோபப்படும் எனக்கு அப்போது கோபம் வந்தது .

அதன் காரணமாக அணு உலைகளுக்கு எதிரான கருத்துக்களை உதாரணங்களுடன் பதிவிட ஆரம்பித்தேன் .

இடையில் என்ன நடந்ததோ தெரியவில்லை எல்லா விஷயங்களைப்பற்றியும் திடீரென பதிவிட ஆரம்பித்துவிட்டேன் .சில நாட்களாக தேடுவாரற்று இருந்த எனது பிளாகை ஒவ்வொருவராக ஆதரிக்கத்தொடங்கினர்..
 

நம்பவே முடியவில்லை எனக்கு இன்று பதிவுலகில் நூறு நண்பர்கள் .

இதற்கு வந்தாரை வாழ வைக்க மட்டுமே கற்றிருக்கும் பதிவர்கள் அனைவரும் காரணம் .

நன்றிக்கடனாக நானும் என்னாலியன்ற ஆதரவினை பிற பதிவர்களுக்கு அளித்து வருகிறேன் .பதிவுலக நண்பர்கள் ஒவ்வொருவருமே ஒவ்வொரு விதத்தில் என்னை கவர்ந்தவர்கள் .

இந்த நட்பு தொடரும் 

அனைவருமே நண்பர்களாக இருப்பது   பதிவுலகத்தில் மட்டுமே சாத்தியம் என்று நினைக்கிறேன் .

புதிய நண்பர்களை பாசத்துடன் வரவேற்கிறேன் .

நண்பேண்டா தொடர் பதிவை எழுத என்னை அழைத்த நிரூபனுக்கு நன்றி .

நண்பேண்டா தொடர்பதிவை இதுவரை எழுதாத  அனைத்து பதிவர்களையும் இதன் மூலம் அழைக்கிறேன்